Şəmkirin icra başçısına CİNAYƏT İŞİ... AÇILA BİLƏR...

Şəmkir rayon icra hakimiyyətinin icra başçısı Alimpaşa Məmmədova cinayət işi açıla bilər. Bu barədə DİA.AZ-a mötəbər mənbədən informasiya daxil olub. Xəbəri verən qaynaq iddia edir ki, Alimpaşa Məmmədov bu gün barəsində ən çox şikayət olunan icra başçılarından biri kimi çoxdan müvafiq dairələrin diqqətini cəlb edib.

Mənbənin söylədikləri: "Alimpaşa Məmmədov konkret olaraq keçən ili 230 min manatla, bu ili isə 180 min manat kəsirlə başa vurub. Bütün bunlar isə vacib məsələdir və rəsmi etiraf olunan yeyintidir. Deməli, ortada daha böyük yeyinti faktları ilə bağlı şübhələrə əsas var. Vergi orqanlarından məhz korrupsiya faktına görə qovulmuş Alimpaşa Məmmədovun təkrar olaraq yoxlanılması ona qarşı daha böyük ittihamların irəli sürülm.sinə rəvac verə bilər".

Mənbə iddia edir ki, artıq bu yöndə ciddi hərəkətlənmə var: "Yaxn vaxtlarda "effekti" görünəcək..."

İddia olunanlarla bağlı qarşı tərəfi də dinləməyə hazırıq...