Qusarda şok olay - Polislər meşə gözətçisini xəstəxanalıq edib+FOTO
- 16-10-2017, 11:14
- 60 578
Məlumat görə, polislər tərəfindən döyülərək ağır bədən xəsarəti alan Səbuhi Abdullayev huşsuz halda meşədə atılıb. Meşə gözətçisinin yoxluğundan narahat olan qohumları axtararaq onu meşədə huşsuz və köməksiz halda tapıblar. O, rayon xəstəxanasına yerləşdiriblər.
Hazırda vəziyyəti ağırdır və reanimasiya şöbəsindədir.
Məlumatda əlavə olaraq qeyd edilir ki, Qusar rayon Polis Şöbəsinin rəisi Meşə fonduna aid topraqlarda qanunsuz olaraq, özü üçün villa tikdirir. Villanın qanunsuz tikildiyini görən bir müddət əvvəl Ekologiya və Təbii Sərvətlər nazirliyinin əməkdaşları polis rəisini 65 min manat cərimə də ediblər. Bundan əsəbləşən polis rəisi Zaur Bədəlov şəhərdə və şəhər ətrafında xidmət aparan polisləri meşələrə tökərək, onların “xidməti dislokasiyasını” dəyişib. Bildirilir ki, hətta bir müddət əvvəl də analoji hal baş verib. Başqa bir meşə gözətçisini də polislər döyüb, xəstəxanalıq ediblərmiş.
P.S. Məlumat gecə saatlarında daxil olduğu üçün qarşı tərəfin mövqeyini öyrənə bilmədik. Qarşı tərəfin mövqeyini öyrənməyə, dərc etməyə çalışacağıq.
Məsələni diqqətdə saxlayacağıq.