Ermənistan MN itkin düşən hərbçimizlə bağlı MƏLUMAT YAYDI

 
Naxçıvan MR Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən Azərbaycan Respublikası Müdafiə Nazirliyinin itkin düşən 2 hərbçisi Ermənistanda tapılıb. 

Bu barədə Ermənistan Müdafiə Nazirliyinin mətbuat katibi Aram Torosyan məlumat verib.

Onun sözlərinə görə, ikinci Azərbaycan əsgəri də aprelin 13-də Ermənistan ərazisində tapılıb. 

Məlumata görə, hərbçilərimizdən biri itkin düşdüyü günün səhəri tutulmuşdu.

Onu da deyək ki, əsir və itkin düşmüş, girov götürülmüş vətəndaşlarla əlaqədar Dövlət Komissiyası əsgərlərin Ermənistan ərazisində saxlanıldığının ehtimal edildiyi nəzərə alaraq, onların azad olunmaları ilə bağlı aidiyyəti beynəlxalq təşkilatlara rəsmi müraciət edib. 

"Unikal"