SON DƏQİQƏ
XalqXeber.Az » İqtisadiyyat » Bu banklar bağlanma təhlükəsi ilə üz-üzədir... - SİYAHI

Bu banklar bağlanma təhlükəsi ilə üz-üzədir... - SİYAHI

Tarix:

7-11-2019, 11:56

/ 912 dəfə oxundu.
Bu banklar bağlanma təhlükəsi ilə üz-üzədir... - SİYAHI

Azərbaycanda ən passiv banklar məlum olub.

FED.az 2019-cu ilin 3-cü rübünün nəticələrinə əsasən xəbər verir ki, bunlar «Pakistan Milli Bank»nın Bakı filialı, «Bank Melli İran»ın Bakı filialı, «Bank Avrasiya», «Turanbank», «Ziraat Bank Azərbaycan», “Naxçıvanbank” və «NBC Bank»dır.

Adları qeyd edilən banklar qeyri-fazi gəlirlərinə görə, FED.az-ın tərtib etdiyi BANKLARIN RENKİNQİ-ndə axırıncı yerləri tuturlar.

Renkinqdən məlum olur ki, cari ilin 9 ayının nəticələrinə görə, «Pakistan Milli Bank»nın Bakı filialının qeyri-faiz gəlirləri isə cəmi 12 min manat, «Bank Melli İran»ın Bakı fililının qeyri-faiz gəlirləri 127 min manat, «Bank Avrasiya»nın qeyri-faiz gəlirləri 1 milyon 242 min manat, «Turanbank»ın qeyri-faiz gəlirləri 2 milyon 688 min manat, «Ziraat Bank Azərbaycan»nın qeyri-faiz gəlirləri 2 milyon 761 min manat, «Naxçıvanbank»ın qeyri-faiz gəlirləri 2 milyon 874 min manat, «NBC Bank»ın qeyri-faiz gəlirləri isə 3 milyon 26 min manat təşkil edir.

Qeyd edək ki, bankın qeyri-faiz gəlirləri əsasən valyuta mübadiləsi, hesablarla əməliyyatlar, pul köçürmələri və sair əməliyyatardan tutulan komissiya haqlarından formalaşır.

Qeyri-faiz gəlirlərinin azalması bu sahədə bankların xidmətlərinin və ya bu xidmətlə əməliyyatların məhdud olmasının göstəricisidir. Başqa sözlə, qeyri-faiz gəlirləri bankların müştərilərlə nə qədər aktiv işlədiyini və kreditdən başqa xidmət göstərdiyi sahələrdən nə qədər qazanc götürdüyünü göstərir.

Son illər kredit bazarında aktivliyin aşağı olması bankların faiz gəlirlərinə təsir etdiyi üçün, bankların əksəriyyəti yeni xidmətlər hesabına qeyri-faiz gəlirlərini artırmağa çalışırlar.

Şərhlər

XƏBƏR LENTİ