SON DƏQİQƏ
XalqXeber.Az » İqtisadiyyat » Kim qabağa düşsə... - Sosial evlərin bölgüsü açıqlandı

Kim qabağa düşsə... - Sosial evlərin bölgüsü açıqlandı

Tarix:

1-03-2017, 17:25

/ 2 000 dəfə oxundu.
Kim qabağa düşsə... - Sosial evlərin bölgüsü açıqlandı

Vətəndaşlara veriləcək sosial evlərlə bağlı qeydiyyat növbəlilik prinsipi əsasında olmayacaq.

Məlumata görə, bu barədə Mənzil İnşaatı Dövlət Agentliyinin direktoru Samir Nuriyev məlumat verib.

Onun sözlərinə görə, mənzillər satışa çıxarıldıqdan sonra elektron sistemdə kim tez sifariş verəcəksə, o da mənzili alacaq: “Erkən gələn erkən də mənzilə sahib olacaq. Mənzillər tam təmirli, mətbəx mebeli ilə birgə veriləcək. Yaşayış massivləri hazır olduqdan sonra onların idarəedilməsi ilə bağlı "MİDA" MMC öz təkliflərini verəcək".

S.Nuriyev bildirib ki, sosial mənzillərdən yararlanmaq istəyən vətəndaşlar üçün "Güzəştli mənzil" elektron sistemi yaradılıb: “Vətəndaş ilkin mərhələdə orada qeydiyyatdan keçməlidir. Bu zaman onun üçün elektron kabinet yaradılacaq. Burada aparılan araşdırma nəticəsində onun güzəştli mənzil ala bilib-bilməməsi barədə qərar veriləcək.

İkinci mərhələdə mənzillər satışa çıxarılanda həmin elektron hesaba məlumat göndəriləcək. Kim istədiyi mənzilə tez sifariş versə, onun sifarişi qəbul ediləcək və həmin mənzil bloklanacaq. Bundan sonra onun ödəniş vasitələri müəyyənləşəcək”.

S.Nuriyev qeyd edib ki, qeydiyyat eyni zamanda "ASAN Xidmət" mərkəzlərində də aparılacaq: “Artıq bunun üçün MİDA Bakının 3, Sumqayıtın isə 1 ASAN xidmət mərkəzi ilə razılaşıb. Həmin mərkəzlərdə vətəndaşları məlumatlandırmaq üçün "call center"lər də xidmət edəcək. Yaxın günlərdə həmin xidmət işə düşəcək”.

Şərhlər

XƏBƏR LENTİ