Bakıda piyada keçidindən keçən 3 gəncin avtomobil tərəfindən vurulduğu anlar kameralara yansıyıb.

Məlumata görə, yay fəslinə təsadüf edən görüntülərdə 3 gənc Bakı küçələrindən birində piyada keçidindən keçir. Bir-biri ilə söhbətləşən qızlar yolun sağ və ya sol tərəfinə baxmadan addımlayırlar. Yolun mərkəzinə çatmamış gümüşü rəgli avtomobil yoldan keçənlərin hər 3-nü vurur. Lakin sürücü sürəti piyada keçidinə yaxınlaşdığı və qızları gördüyü anda azaltmağa çalışdığı üçün qızlar yerə yıxılmaqla canlarını qurtara bilir.

Nəzərə alsaq ki, videoda çəkilən piyada keçidi insanların mütəmadi olaraq keçdiyi və avtomobillərin çox asta sürətlə keçə biləcəyi bir keçiddir. Lakin gəncləri piyada keçidində vuran sürücü avtomobilindən düşərək özündə səbəb axtarmaqdan və avtomobilinin sürətini, diqqətsizliyini nəzərə almaqdansa, qızları tənbeh edir.

Sözügedən videogörüntünü təqdim edirik:

“A24.az”