SON DƏQİQƏ
XalqXeber.Az » İdman » FİFA braziliyalı futbolçunun millimizdə oynamasına icazə verdi

FİFA braziliyalı futbolçunun millimizdə oynamasına icazə verdi

Tarix:

30-05-2017, 14:18

/ 58 008 dəfə oxundu.
FİFA braziliyalı futbolçunun millimizdə oynamasına icazə verdi

FİFA "Qarabağ"ın braziliyalı legioneri Riçard Almeydanın Azərbaycan millisində oynamasına icazə verib.

DÇ-2018-in seçmə mərhələsi çərçivəsində millimizin Şimali İrlandiyaya qarşı iyunun 10-da baş tutacaq oyununda “Qarabağ”ın yarımmüdafiəçisi də meydana çıxa bilər.

Belə ki, FİFA-nın müvafiq komitəsi AFFA-nın Braziliya əsilli xavbekin millimizdə oynamaqla bağlı müraciətinə baxıb. Ali futbol qurumu məsələnin həllini mövcud qaydalara uyğun olaraq AFFA-nın səlahiyyətinə verib.

Assosiasiya rəhbərliyinin bu məsələ ilə bağlı müsbət qərarı millinin baş məşqçisinin nəzərinə çatdırılıb. Beləliklə, Robert Prosineçki hazırda Avstriya toplanışında olan Almeydanın xidmətindən Şimali İrlandiya ilə qarşılaşmada yararlana biləcək.

Qeyd edək ki, Riçard Almeyda 2012-ci ilin yayından bəri “Qarabağ”ın formasını geyinir.

Şərhlər

XƏBƏR LENTİ