Azərbaycan Respublikasının yeni əmək və əhalinin sosial müdafiəsi naziri Sahil Rafiq oğlu Babayev prezident İlham Əliyev tərəfindən ona göstərilən yüksək etimada görə minnətdarlığını bildirib.

xalqxeber.az xəbər verir ki, nazir dövlət başçısının əmək və sosial müdafiə sahəsi ilə bağlı müəyyən etdiyi vəzifələrin layiqli şəkildə icrasının təmin ediləcəyini vurğulayıb.

S.Babayev nazirliyin fəaliyyətinin bütün istiqamətlərində şəffaflığın tam təmin ediləcəyini, ən mütərəqqi beynəlxalq təcrübəyə uyğun olaraq normativ-hüquqi bazanın və inzibati icraatın təkmilləşdiriləcəyini bildirib və nazirliyin fəaliyyətində sistemli yanaşma və sosial ədalət prinsiplərinin rəhbər tutulacağını qeyd edib.