XalqXəbər.Az

Almazbek Atambayev təslim oldu

yüklənir...
Almazbek Atambayev təslim oldu
8-08-2019, 18:21
yüklənir...

Qırğızıstanın sabiq Prezidenti Almazbek Atambayev saxlanılıb.

Xarici KİV-ə istinadən istinadən xəbərə görə, sabiq Prezident özü təslim olub.

Qeyd edək ki, ötən gün A. Atambayevin həbs edilməsi üçün əməliyyat keçirilib. Əməliyyat zamanı 52 nəfər xəsarət alıb, bir xüsusi təyinatlı ölüb.

Qırğızıstan Prezidenti Sooronbay Jeenbekov Təhlükəsizlik Şurasının iclasında ölkənin sayca 4-cü prezidenti olan A. Atambayevi ölkə Konstitusiyasını və qanunlarını kobud şəkildə pozmaqda ittiham edib.

Qırğızıstanda sabiq Prezident A. Atambayevə qarşı parlament araşdırması aparılır. Bu ilin iyununda deputatlar sabiq ölkə başçısını toxunulmazlıqdan məhrum ediblər.

O Qırğızıstanda vəzifə səlahiyyətlərindən sui-istifadə etməkdə və korrupsiyada da ittiham olunur. Son bir il yarım ərzində A. Atambayevin tərəfdarları da cinayət məsuliyyətinə cəlb edilib. O, iyul ayında Moskvaya gedib və Rusiya Prezidenti Vladimir Putinlə görüş keçirib.

Xatırladaq ki, A. Atambayev 2010-cu ildə baş vermiş inqilab zamanı müxalifətin lideri olub. A. Atambayev ölkəyə 2011-2017-ci illər aralığında rəhbərlik edib.

yüklənir...
GÜNDƏM
DÜNYA
FACEBOOK SƏHİFƏMİZ

Materiallardan istifadə edərkən sayta mütləq istinad olunmalıdır. Bütün hüquqlar qorunur.