XalqXəbər.Az

Hacıbala Abutalıbovla Əli Həsənov təqaüdə göndərildi, Oqtay Şirəliyevsə... - EKSKLÜZİV

Hacıbala Abutalıbovla Əli Həsənov təqaüdə göndərildi, Oqtay Şirəliyevsə... - EKSKLÜZİV
21-10-2019, 16:32

Baş nazirin iki müavini - Hacıbala Abutalıbov və Əli Həsənov işdən çıxarılıb.
Qaynarinfo-nun əldə etdiyi məlumata görə, hər iki müavin yaş həddinə görə təqaüdə göndərilib.

Məlumata görə, Səhiyyə naziri Oqtay Şirəliyev də vəzifəsindən azad olunacaq. Qərarlar yaxın günlərdə rəsmən açıqlanacaq.

Dəyişikliklər yeni Baş nazirin təyinatından sonra Nazirlər Kabinetində islahatların aparılması ilə əlaqədardır.

Qeyd edək ki, 75 yaşlı Hacıbala Abutalıbov 2001-2018-ci illərdə Bakı şəhər İcra Hakimiyyətinin başçısı olub. 21 aprel 2018-ci ildə Baş nazirin müavini təyin edilib.

71 yaşlı Əli Həsənov 1998-2018-ci illərdə Qaçqınların və Məcburi Köçkünlərin İşləri üzrə Dövlət Komitəsinə başçılıq edib, 21 aprel 2018-ci ildən Baş nazirin müavini vəzifəsini tutur.

Oqtay Şirəliyevin isə 69 yaşı var. O, 20 oktyabr 2005-ci ildən Səhiyyə naziridir.скачать dle 12.1

OXŞAR XƏBƏRLƏR

Materiallardan istifadə edərkən sayta mütləq istinad olunmalıdır. Bütün hüquqlar qorunur.