SON DƏQİQƏ
XalqXeber.Az » Cəmiyyət » "Ay Göyçay rayon rəhbərləri?.." - Şairədən başçıya ETİRAZ

"Ay Göyçay rayon rəhbərləri?.." - Şairədən başçıya ETİRAZ

Tarix:

18-06-2019, 10:07

/ 1 033 dəfə oxundu.
"Ay Göyçay rayon rəhbərləri?.." - Şairədən başçıya ETİRAZ

“Bu mövzu bir göyçaylı yazar olaraq mənim də çox yaralı yerimdir. Bu gün yaşayan və yaradan beş-üç Göyçay şair və yazıçılarını Göyçayda çox təəssüf ki, heç bir tədbirə dəvət etmirlər”.

Sozcu.az xəbər verir ki, bunu yazar Südabə Sərvi deyib. Göyçay rayon icra Hakimiyyətindən şikayətlənən yazar bildirib ki, Bir neçə ay öncə şair Abil İslamın 60 yaşı tamam oldu. Baxmayaraq AYB-sədrinin və Fikrət Qocanın imzasıyla rayon İcra aparatına və müvafiq yerlərə məktub göndərilmişdi, lakin onun yubileyini qeyd etmədilər:

“Bu bir yana, üstəlik ustad Nəsimiyə həsr olunmuş tədbirdə də nəinki Göyçay şair və yazıçısı, ümumiyyətlə Şirvan bölgəsindən olan bir nəfər də olsa, yazar yox idi… Və nə qədər gülməli də olsa, başqa bölgələrdən olan yazarları dəvət etmişdilər.

Halbuki dahi Nəsimi haqqında hələ illər öncə qəzet və jurnallarda müəyyən araşdırıcı yazılarla çıxış etmişik. Yaxşı, deyək ki, biz Bakıda yaşayaırıq. Bəs rayonda yaşayan şair və yazarlarımız? Bu qədər də biganəlik olarmı?? Ay Göyçay rayon rəhbərləri? Bu işlərə məsul olanlar? Mədəniyyət işində çalışanlar? Sizləri nə üçün o vəzifələrə təyin ediblər? Xalqa xidmət etmək üçün də, deyilmi? Bu neçə ildə bir Göyçay yazarını, ziyalısını görüşə dəvət etdinizmi?

Siz bununla klassiklərimiz olan Həbibi, Qantəmir, Rəsul Rza, Əli Kərim və başqa yazarlarımızın ruhuna hörmətsizlik edirsiniz! Çox təəssüf!

Bu dedi-qodu deyil, sadəcə dogulub boya-başa çatdığ və yalnız diqqət görmək istədiyi doğma torpağın-doğma Ocağın ziyalısının, yazıçısının, incəsənət işçisinin, aktyorunun, aliminin, şəhid analarının, şəhid valideynlərinin ürək sözləridir. Göyçayda yaşayan şəhid valideynlərinə biganəlik haqqında başqa vaxt yazacam. Mənə təqdim olunan faktlar əsasında”.

Şərhlər

XƏBƏR LENTİ