Hacıqabul rayonunda ümummilli lider Heydər Əliyevin anadan olmasının 96-cı ildönümünə həsr edilmiş tədbir və konsert proqramı keçirilib.
xalqxeber.az xəbər verir ki, əvvəlcə Hacıqabul rayon İcra Hakimiyyətinin başçısı Əhməd Muxtarov, rayonun hüquq-mühafizə orqanları və digər idarə müəssisə rəhbərləri Heydər Əliyevin abidəsini ziyarət edib çiçək dəstələri düzüblər.
Sonra H. Əliyevin adın daşıyan parkda, açıq havada təşkil edilmiş kitab sərgisi və məktəblilərinin əl işlərindən ibarət nümunələr sərgiləndi və məktəblilərin iştirakı ilə hazırlanmış tamaşalar göstərilib, şeirlər deyilib.
Sonra tədbir incəsənət ustalarının konsert proqramı ilə davam etdirilib. Konsertin sonunda atəşfəşanlıq təşkil edilib.
