Cəlilabad rayon sakinləri təcili tibbi yardımdan narazılıq ediblər.
Daxil olan müraciətlərdə bildirilir ki, rayonda təcili tibbi yardım maşınları təyinatı üzrə istifadə edilmir və çağırışlara gəlmirlər:
"Cəlilabad rayon təcili tibbi yardım mərkəzində özbaşnalıq baş alıb gedir. Tibbi yardım maşınlarından aidiyyatı üzrə istifadə olunmur. Bu da narahatlığa səbəb olur. Müraciət vaxtı halı ağır olan xəstələrə tibbi yardım göstərilmir. Tibbi yardım maşınlarından taksi kimi istifadə edilməsinə göz yumulur. Gecə saatlarında isə mərkəz heç bir çağırışı qəbul etmir, işçilər maşınlarda yatır. Cəlilabad rayon sakinləri olaraq bu problemin yaxın zamanda həll olunacağına ümid edirik".
Məsələ ilə bağlı sözügedən səhiyyə obyekti ilə əlaqə saxlayıb, adıçəkilən baş həkim Tərlandan mövqe öyrənməyə çalışsaq da zənglərimizə cavab verilməyib.
Mövqelərini dərc etməyə hazırıq.
