Vüqar Səfərlinin pulsilmə layihələrindən... - Dövlətin pulu belə xərclənib

Vüqar Səfərlinin pulsilmə layihələrindən... - Dövlətin pulu belə xərclənib Məlum olduğu kimi Hesablama Palatası Kütləvi İnformasiya Vasitələrinin İnkişafına Dövlət Dəstəyi Fondunda (KİVDF) dövlət vəsaitinin xərclənməsi ilə bağlı audit keçirir. Auditin 2009-2020-ci illəri- KİVDF-nin yaradılmasından bu günədək olan dövrü- əhatə etməsi isə məsələnin ciddiliyini stimullaşdıran faktor sayıla bilər.

Məlumatlı mənbənin yenixeber.org-a bildirdiyinə görə, Hesablama Palatası KİVDF-nin maliyyə fəaliyyətini iki istiqamətdə araşdır. Onlardan biri müxtəlif tədbirlər adı ilə büdcə pullarının xərcləməsini, digəri isə yaşayış binalarının tikintisinə, çap mediasına ayrılan xərcləri əhatə edir... Bibiheybət qəsəbəsində mətbuat işçiləri üçün yüksəkmərtəbəli yaşayış binasının tikintisi ilə bağlı xərclənən büdcə vəsaitinin ciddi araşdırılması ilə bağlı məlumatlar var. Məlumata görə, bu əməliyyat layihə-smeta sənədlərinin hazırlanması prosesindən başlamış binanın tikintisinin başa çatdırılması və ətrafında abadlıq işlərinin aparılmasına qədər olan işləri əhatə edir. Bu arada qeyd edək ki, təkcə mətbuat işçiləri üçün yüksəkmərtəbəli yaşayış binasının layihə-smeta sənədlərinin hazırlanmasına KİVDF 250 min manata yaxın pul xərcləyib(?) Sıradan bir binanın layihə-smeta sənədlərinin hazırlanmasına 250 min manata yaxın vəsaitin xərclənməsi təəccüb doğurmaqla əsaslı şübhələrə yol açır. Qeyd edək ki, KİVDF-nin layihə-smeta sənədlərinin hazırlanması ilə bağlı bu qədər dövlət vəsaitini xərclədiyi tenderin qalibi olan “Arxin-M LTD” Məhdud Məsuliyyətli Cəmiyyəti (MMC) bu sahədə tanınmış şirkətlərdən hesab olunmur. Niftalı Abbasov adlı şəxsin rəhbərlik etdiyi “Arxin-M LTD” MMC-i əsasən fərdi evlərin layihələndirilməsi işlərinin həyata keçirməsi ilə tanınır.

KİVDF ildə bir neçə dəfə, əsasən də Novruz Bayramı və Yeni İl Bayramı münasibəti ilə fərdi jurnalist yazıları müsabiqəsinin qaliblərinin mükafatlandırılması və bayram tədbirləri həyata keçirib. Bu tədbirlərin təşkilinə isə yüzminlərlə vəsait xərclənib. İndi Hesablama Palatası həm də bu pulların nə dərəcədə qanunauyğun xərclənməsini araşdırır. Məsələn, Fondun adı dəqiq göstərilməyən hansısa tədbirlərə görə zəruri ləvazimatlarıın alınması üçün “M Finance” MMC-i ilə 2017-ci ildə gerçəkləşdirdiyi 50 min manatlıq maliyyə əməliyyatı zamanı qanunveriiliyin tələblərinin tanınmaması iddiaları var...

Hesablama Palatasının auiditini apardığı digər istiqamət isə qəzetlərə ayrılan vəsaitlərlə bağlıdır. Mediada uzun müddətdir belə mülahizələr dolanır ki, KİVDF-nin qəzetləri maliyyələşdirməsində ciddi qanunsuzluqlar mövuddur. Hətta bəzi qəzetlərin aldıqları vəsaitin bir hissəsini Fondun rəhbərliyinə verməsi kimi iddialar da var. Yaxın günlərdə baş redaktorlardan biri KİVDF-nin rəhbərlik etdiyi qəzetə ayırdığı pulun böyük qisminin “atkat” olaraq geri alındığını bildirmişdir.

Belə görünür ki, KİVDF-dəki yoxlamalar bu gün çoxlarının “yuxusuna haram qatdığı” kimi, sonucda da “başı ağrıyanların” sayı heç də az olmayacaq.
Geri qayıt