Şəmkir sakini 6 il əvvəl aldığı torpağın mənimsənildiyini bildirir - GİLEY

Şəmkir rayonu, Çinarlı qəsəbəsinin sakini İsmayılov Nizami Səməndər oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, 2008-ci ildə aldığı torpaq sahəsi qanunsuz olaraq əlindən alınıb:

“Mən, İsmayılov Nizami Səməndər oğlu, yazaraq sizə bildirirəm ki, 6 il bundan qabaq aldığım torpaq sahəsini həmin vaxt ağır xəstə olduğumdan sənədləşdirmək imkanım olmadı. Ona görə, 6 il sonra, yəni indi sənəd almaq istədim. Lakin mənə deyirlər ki, həmin torpaq başqa bir şəxsin adınadır. Halbuki, mən həmin torpağı o vaxt Miriyeva Yeganə Yusif qızından almışdım. Necə ola bilər ki, indi torpaq başqa adamın adına olsun?!

Xahiş edirəm mənə köməklik göstərəsiniz. Xəstə halımla torpağımı mənimsəyirlər”.

Hurriyyet.az