İsveç rəsmi olaraq NATO-ya üzv oldu

İsveçin NATO-ya daxil olması haqqında protokol rəsmən qüvvəyə minib.

Bu barədə ABŞ Dövlət Departamenti məlumat yayıb.

“İsveç Krallığının Şimali Atlantika Müqaviləsinə qoşulması haqqında protokolun ikinci maddəsində göstərilən qüvvəyə minmə şərtləri yerinə yetirilib”, - deyə məlumatda qeyd olunub.

Bildirilib ki, İsveç 7 mart 2024-cü il tarixindən etibarən rəsmi olaraq NATO-ya üzv olan 32-ci dövlətdir.