"Bu məmur mütləq cəzalanmalıdır" - Qənirə Paşayeva

“Üzrü günahından betər” buna deyiblər.

Bu sözləri millət vəkili Qənirə Paşayeva Laçın Rayon İcra Hakimiyyətinin hüquq şöbəsinin müdiri Füzuli Tanirverdiyevin Feysbuk səhifəsində İraq Kürd Muxtariyyətinin müstəqilliyini dəstəkləyən foto və statuslar paylaşmasına münasibət bildirərkən deyib.

“Laçın Rayon İcra Hakimiyyətinin hüquq şöbəsinin əməkdaşı dövlət məmuru olaraq əməlinin nə qədər böyük bir yanlış olduğunu dərk edib üzr istəməkdənsə, Azərbaycan pasportunu və hərbi biletini yandırmaqla ölkəmizi şantaj edir. Belə birinin dövlət qulluqçusu olmasına, dövlətdə hər hansı bir işdə təmsil olunmasına imkan verilməməlidir və bu düşüncədə olanlara dərs olsun deyə, cəzalandırılmalıdır. Etnik kökənindən və dinindən asılı olmayaraq, hər kəsə qarşı gözəl münasibətin olduğu bu dövlətin dəyərini bilməyənin, onun pasportunu daşımanın şərəfini anlamayanın bu dövlətə sevgisi də şübhəlidir. Təəssüf...”