XalqXəbər.Az

“Receb İvedik” azərbaycanlılara görə o kadrı filmdən sildi - Video-müraciət

yüklənir...
“Receb İvedik” azərbaycanlılara görə o kadrı filmdən sildi - Video-müraciət
18-01-2017, 22:46
yüklənir...

Türkiyəli aktyor Şahan Gökbahar yeni çəkdiyi “Receb İvedik 5”də yer alan türk və azərbaycanlı boksçuların döyüş səhnəsini filmdən çıxarıb.

Bu barədə aktyor İnstaqram hesabında paylaşdığı videoda bildirib.

“Bildiyiniz kimi, iki gün öncə “Receb İvedik 5”in fraqmentini yayımladıq. Filmi çox böyük bir maraqla qarşıladınız, 10 milyondan çox izlənmə oldu. Bizi bununla qürurlandırdınız, çox təşəkkür edirik.

Onu deyim ki, filmdə azərbaycanlı boksçu ilə olan səhnə böyük səs-küyə səbəb olub. Mən filmlərimi gülmək və güldürmək üçün çəkirəm. Hər zaman da belə etmişəm.

Azərbaycan türkü qardaşımın narahatlığı könlümü yaralayar, bu, mənə xoş olmaz. Həmin səhnəni filmimdən sevə-sevə çıxarıram. Bu, qardaşlığımın, dostluğumun mərd şəkildə sübutu olsun. Həm də pis niyyətlə filmimin üzərinə gedən insanların oyunu pozulmuş olsun. Hamınızı çox sevirəm. Haqqınızı halal edin”.

Xatırladaq ki, Türkiyə-Azərbaycan parlamentlərarası Dostluq Qrupunun rəhbəri, AK partinin Adana üzrə millət vəkili Necdet Ünüvar da həmin döyüş səhnəsinə etiraz edərək onun filmdən çıxarılması üçün prodüserlə Ş. Gökbahara məktub yazacağını söyləmişdi.

yüklənir...
GÜNDƏM
DÜNYA
FACEBOOK SƏHİFƏMİZ

Materiallardan istifadə edərkən sayta mütləq istinad olunmalıdır. Bütün hüquqlar qorunur.