"Facebook Messenger"də süni intellektli virtual köməkçi peyda olub.
Bu barədə şirkətin saytında məlumat verilib.
"M" adlı köməkçi danışıq zamanı ortaya çıxaraq istifadəçiyə kömək təklif edəcək və müxtəlif məsləhətlər verəcək.
Funksiya hazırda yalnız ABŞ ərazisində iOC və "Android" əməliyyat sistemləri ilə çalışan cihazlarda əlçatandır. Digər regionlarda isə yaxın vaxtlarda əlçatan olacaq. Ötən ilin dekabrından xidmət test rejimində işləyirdi.
Köməkçi "M" söhbətin məzmununu təhlil edərək və konkret sözləri izləyərək müvafiq funksional imkanları aktivləşdirir. Məsələn, köməkçi istifadəçi adından stikerlər göndərə və taksi çağıra bilər. Digər imkanlar sırasında isə danışıq zamanı istifadəçilərin olduqları məkanlar barədə məlumat mübadiləsini, qrup çatında sorğu aparılmasını göstərmək olar.
