SON DƏQİQƏ
XalqXeber.Az » Sosial » Yazışmalarımız ötürülə bilərmi? - Yandex qalmaqalı

Yazışmalarımız ötürülə bilərmi? - Yandex qalmaqalı

Tarix:

30-05-2017, 14:00

/ 57 545 dəfə oxundu.
Yazışmalarımız ötürülə bilərmi? - Yandex qalmaqalı

Xəbər verdiyimiz kimi, Ukrayna təhlükəsizlik orqanları Rusiyanın məşhur Yandex şirkətinin Ukraynadakı ofislərində axtarışa başlayıb.
Buna səbəb Yandex şirkətinin ukraynalılar haqqında məxfi məlumatları Rusiyaya ötürməkdə təqsirləndirilməsidir. Məlumdur ki, Azərbaycanda da Yandex şirkətinin xidmətlərindən biri kimi elektron poçt xidmətindən (emaillərdən) istifadə edənlərin sayı kifayət qədərdir. Hətta bəzi rəsmi şəxslərin emailləri də məhz Yandexdə qeydiyyatdan keçib.
Belə bir məqamda Azərbaycan üçün də bənzər təhlükənin olub-olmaması məsələsi gündəmə gəlir. Maraqlıdır ki, istifadəçilər üçün Yandex maili nə qədər təhlükəsizdir?

Bu sualla Multimedia” İnformasiya Sistemləri Texnologiyaları Mərkəzinin direktoru Osman Gündüzə müraciət etdik.
O, bildirib ki, internet resurslarından istifadə edən üçün təhlükə hər zaman var:
“Bunlar özəl resurslardır. Sahibləri də xarici ölkələrdədir. Seçim imkanı istifadəçidədir, o, özü müəyyən edir ki, hansı resurs daha güvənlidir. Qeydiyyatdan keçərkən şərtlər orada qeyd olunur. Ancaq ola bilər ki, müxtəlif resursların sahibləri tərəfindən sui-istifadə halları baş verib. Xatırladım ki, Gürcüstanla Rusiya arasında müharibə baş verərkən Rusiyanın müxtəlif resuslarından istifadə edən gürcülərin informasiyalarının başqa tərəfə ötürülməsi məsələsi ortaya çıxmışdı. Burada məsuliyyət hökumətlərin üzərinə düşür. Bizdə həm dövlət, həm də qeyri-dövlət sektorunun informasiya təhlükəsizliyinə cavab verən qurumlar var. Qeyri-dövlət qurumlarına Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Mərkəzi, dövlətə isə Xüsusi Dövlət Mühafizə Xidməti yanında Xüsusi Rabitə və İnformasiya Təhlükəsizliyi Dövlət Agentliyi cavabdehlik daşıyır. İndi bu qurumların sözügedən məsələlərlə bağlı müəyyən açıqlamaları olmalıdır. İstifadəçilərə hansı resurslardan istifadə etməklə bağlı tövsiyələr verməlidirlər. Əgər bizim bu cür xidmətləri göstərən yerli resurslarımız yoxdursa, istifadəçilər xarici resurslardan istifadə etməyə məcburdur. Hökumət çalışmalıdır ki, həmin xarici resursların Azərbaycanda bir nümayəndəlikləri olsun”.
Onun sözlərinə görə, hər il qlobal resurslar öz hesabatlarını açıqlayırlar: “Mən istisna etmirəm ki, Azərbaycan hökumətinin də bu qlobal resurslara müraciətləri olur. Çünki hansısa təhlükəsizlik tədbirləri ilə bağlı onların informasiyalarına ehtiyac var. Problem ondadır ki, bu cür resursların sahibləri hökumətlərin müraciətlərinə necə baxırlar? Məsələn, Türkiyə hökuməti tvitterə ölkəsində terror aktının olacağı ilə bağlı müraciət etmişdi. Ondan informasiyalar verməsini istəmişdi. Ancaq tvitter bununla razılaşmadı. O zaman da Türkiyə hökuməti tvitteri bağlamaq qərarına gəldi. Ancaq Almaniyanın, Fransanın terrorla bağlı müraciətlərinə Tvitter şirkəti müsbət reaksiya vermişdi. Yəni, bu resursların özündə də ikili standartlar var. Bizdə hesab edirəm ki, hökumət vətəndaşların informasiya təhlükəsizliyinin qayğısına qalmalıdı.

qafqazinfo.az

Şərhlər

XƏBƏR LENTİ