SON DƏQİQƏ
XalqXeber.Az » Sosial » Magistratura və rezidenturaya sənəd qəbulunun vaxtı uzadılıb

Magistratura və rezidenturaya sənəd qəbulunun vaxtı uzadılıb

Tarix:

17-03-2017, 12:07

/ 1 419 dəfə oxundu.
Magistratura və rezidenturaya sənəd qəbulunun vaxtı uzadılıb

“Ali təhsil müəssisəsinə 22 mindən çox abituriyent ərizə verib ki, onlardan 403 nəfəri artıq öz ərizəsini təsdiqləyib”.

Bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə keçirdiyi mətbuat konfransında deyib.

O bildirib ki, magistraturaya sənəd verən 10 650 nəfər, rezidenturaya isə 949 nəfər öz ərizəsini təsdiqləyib. Statistik göstəriciləri analiz etdikdə belə qənaətə gəldik ki, hələ də ərizə verib təsdiqləməyən insanlar kifayət qədərdir. Məndə olan ilkin məlumata görə, magistraturaya 2 111, rezidentura üzrə isə 900 nəfər şəxs öz ərizəsini təsdiqləməyib. Ona görə də qərara gəlinib ki, hər iki təhsil səviyyəsi üzrə sənəd qəbulunun vaxtı martın 28-i gecə saat 00.00-a qədər uzadılıb”.

M. Abbaszadə əlavə edib ki, bayram günlərində də sənəd vermək və təsdiq etmək mümkündür: “Bəzi insanların adları və ya soyadları ilə bağlı müəyyən problemləri olur ki, onlar sənəd qəbulu komissiyalarına müraciət etməlidirlər. Sənəd Qəbulu Komissiyaları bayramlarda işləməyəcək. Lakin bayramdan sonra SQK-ları 2 gün ərzində fəaliyyət göstərəcək və problemləri həll etmək mümkün olacaq. Amma elektron qaydada sənəd qəbulu mümkündür”.

DİM sədri qeyd edib ki, Təhsil Nazirliyi ilə müsabiqə şərtlərini dəqiqləşdirdikdən sonra “Abituriyent” jurnalı işıq üzü görəcək.

Şərhlər

XƏBƏR LENTİ