18.01.1984-cü il Naxçıvan Muxtar Respublikası doğumlu Babayev Samir Qərib oğlu tərəfindən Azərbaycan Respublikası prezidenti,Ali Baş Komandan İlham Əliyevə ünvanlanan müraciət daxil olub.
Samir Babayev şəhid Qərib Babayevin övladıdır.
O, müraciətində Daxili Qoşunlar Komandanı general-leytinant Şahin Məmmədov tərəfindən necə Daxili Qoşunlar sıralarından xaric edildiyini bütün çılpaqlığı ilə yazıb.
Redaksiya olaraq şəhid övladının fəryadına DQ komandanı kimi səssiz qala bilməzdik.O üzdən də müraciəti olduğu kimi təqdim edirik.
Mən Babayev Samir Qərib oğlu 18.01.1984-ci ildə Naxçıvan Muxtar Respublikasında anadan olmuşam. 15.09.1990-cı ildə Bakı şəhəri Xətai rayonu 98 saylı tam orta məktəbin 1-ci sinfinə daxil olub, 1999-cı ildə orta məktəbi bitirmişəm. Elə həmin ildə 101 saylı Binə Peşə Liseyinə qəbul olub, sürücü fakültəsində təhsil alıb, 2001-ci ildə Peşə Liseyini bitirib hərbi xidmətə getmişəm. 2003-cu ildə hərbi xidmətdən qayıdıb, 2008-ci ildən Daxili Qoşunlarda Texniki Nəzarət Məntəqəsinin Rəisi vəzifəsində qulluq etmişəm.
Atam Babayev Qərib Mədət oğlu 01.01.1948-ci ildə Naxçıvan Muxtar Respublikasında anadan olub. 35 il hərbiçi olub. 26.02.1994 ildə Kəlbəcər uğrunda döyüşlərdə şəhid olmuşdur.
Anam Babayeva Leyla Bəxşəli qızı 25.03.1955-ci ildə Naxçıvan Muxtar Respublikasında anadan olub. 22.03.2016-cı ildə vəfat edib.
İlk növbədə bildirmək istəyirəm ki, mənim atam Babayev Qərib Mədət oğlu 1994-cü ildə Qarabağ uğrunda gedən döyüşlərdə şəhid olub. Mən də atamın şərəfli adını uca tutaraq Daxili Qoşunlarda 9 ildir müddətdən artıq xidmət etmişəm. 2016-cı ilin avqust ayında mən DQ-nin Hospitalında stasionar müalicə alarkən, DQ-nin hərbi qulluqçusu mayor Vahabov Kamran DQ-də qulluq edən sürücülərin ünvanına təhqiramiz ifadələr işlətdi. Mən səbəbin soruşduqda mənə sərt cavab verdi. Mən də acıqlandım. O da hərbi hissə komandirinə zəng edib məndən şikayət elədi. Hərbi hissə komandiri işi araşdıraraq məndə gunah olmadığını bildirərək mayor Vahabov Kamrana xəbərdarlıq etdi ki, birdə səndən şikayət gəlsə komandanlığa məruzə edəcəm.Mayor Vahabov Kamran Hospitalda hər dəfə ayrı-ayrı hərbi qulluqçularla dəfələrlə mübahisə edib. Söhbət böyüdükdən sonra mənə şiddətli töhmət verildi. Onu isə dinləməyə çıxartdılar. Üstündən bir neçə ay keçdikdən sonra mayor Vahabov Kamran baş leytenant Qocayev Rafiqlə əlbəyaxa dalaşdı. Sonradan Cənab komandanın qəbulunda olarkən mayor Vahabov Kamran məndən şikayət etmiş, olmayan bir şeylər demişdir. Bunun nəticəsində mənim xəbərim olmadan mənim iş yerimi Bərdə hərbi hissəsinə dəyişiblər. Məndə hərbi hissəyə gedib təqdim olunandan sonra, mən komandanın qəbuluna ailə vəziyyətimi danışmaq üçün getmək istədim məni qəbul etmədi. Komandanın müavinləri məni qəbul edərək bildirdilər ki, komandan deyirki ya Bərdədə xidmətini davam elə, ya da ərizəni yazıb təxris olunsun. Mən də stresdə olduğum üçün məni aldadaraq ərizə yazdırıb, 156E maddəsi ilə xidmətə uyğunsuzluqla təxris olundum. Bu da şəhid ailəsinə olunan hörmətsizlikdir. Ümumilli Lider Heydər Əliyevin çəhid ailələri ilə bağlı tapşırığı var "İxtisar olunarsa şəhid ailələri nəzər alınmalıdır". Çünki ailə vəziyyətim buna imkan vermir. Mən anamı bu yaxınlarda itirmişəm. Çünki anamın da atamın da məzarı Bakıdadır. Həmdə şəhid ailəsi olaraq mənə verilən ev başsız qalacaq. Hazırda ölkəmiz çətin günlər keçirir. Diqqətinizə çatdırmaq istəyirəm ki, Bərdə hərbi hissəsində son vaxtlar kütləvi ixtisarlar olur. Dəfələrlə DİN-nə müraciət etsəm də şikayətimə baxılmır və Cənab Nazirin qəbuluna düşə bilmirəm.
Cənab Prezidentimizin daxili və xarici siyasətiniz nəticəsində Azərbaycanın ərazi bütövlüyünü bərpa edəcəyinə inanırıq. Lazım gələrsə, döyüşlərə səfərbər olmağa hazıram.
Əvvəcədən Sizə öz təşəkkürümü bildirirəm.
Telfon:070-740-96-96
Vətəninfo
