yüklənir...
yüklənir...

SONDƏQİQƏ

XalqXəbər.Az
yüklənir...

''İşsizlər ordusunun sıraları genişlənib''

''İşsizlər ordusunun sıraları genişlənib''
19-01-2018, 15:14 216 dəfə baxılıb

Nemət Əliyev: ''Ölkədə işsizlik səviyyəsi və yeni iş yerlərinin yaradılması haqqında məlumatlar təsdiqini tapmır''

2017-ci ildə Azərbaycanda iqtisadi fəal əhalinin sayı 5 073,8 min nəfər olub.

Bu barədə Dövlət Statistika Komitəsinin yaydığı məlumatda deyilir.

Ötən il 38,5 min nəfərə rəsmi işsiz statusu verilib

2018-ci il yanvarın 1-nə olan məlumatlara əsasən, həmin 5 073,8 min nəfərdən 4 822,1 min nəfəri məşğul əhalidir:

“2017 ildə məşğulluq xidməti orqanları ölkə üzrə ümumilikdə 38,5 min nəfərə rəsmi işsiz statusu verib. Onların 36,3 faizini qadınlar, 63,7 faizini isə kişilər təşkil edib. İşsizlik müavinətinin orta məbləği 291,2 manat olub”.

İşsizlərin sayı artıb

İqtisadçı Nemət Əliyev deyir ki, bu göstərici 2017-ci ilin yanvarında 5 012,70 min nəfər, dekabrında isə 5 073,20 min nəfər olub. Deməli, ötən 11 ayda əmək qabiliyyətli əhalinin sıralarına yeni qoşulanların sayı 60,5 min nəfərdir:

“Ötən 11 ayda daimi iş yeri olanların (muzdla çalışanların) sayı isə aşağıdakı kimi dəyişib: 1 yanvar 2017-ci ildə 1 514,4 min, 1 dekabr 2017-ci ildə isə 1 521,2 min nəfər olub. Bu göstərici üzrə artım 6,8 min nəfərdir”.

53,7 min nəfər işsizlər ordusunun sıralarına qoşulub

İqtisadçı deyir ki, investisiya və kredit qoyuluşlarının azaldığı bir şəraitdə daimi iş yerlərinin sayının artması şübhəlidir və inandırıcı deyil.
“Hətta bu şübhə və inamsızlığı bir kənara qoysaq belə, yuxarıdakı məlumatların müqayisəsi göstərir ki, ötən ilin 11 ayında iqtisadi fəal əhalinin sıralarına yeni qoşulanların sayının 60,5 min nəfər olmasına baxmayaraq, daimi işləyənlərin sayı cəmi 6,8 min nəfər artıb:
Onun sözlərinə görə, buradan o nəticə çıxır ki, iqtisadi fəal əhali sırasına yeni qoşulan 60,5 min nəfərin 6,8 min nəfəri özünə iş tapa bilib, qalan 53,7 min nəfəri (60,5 – 6,8) isə işlə təmin olunmayıb, işsiz qalaraq işsizlər ordusunun sıralarına qoşulub.
“Hesablamalar göstərir ki, 2015-ci ilin əvvəlindən üzü bu yana işsizlər ordusunun sıraları 227,4 min nəfər genişlənib. Hələ yalnız 2 il 11 ayda işsizlərin sayında əmələ gəlmiş bu artım göstəricisi hökumətin işsizlərin ümumi sayına dair açıqladığı rəqəmin (250 min) 91 faizi qədərdir”.

Ən böyük biclik düzlükdür!

Nemət Əliyev daha əvvəl yayılan məlumatlarla bu gün açıqlanan rəqəmləri müqayisə edərək deyib ki, digər rəsmi məlumatlara görə 2015, 2016 və 2017-ci illərdə ölkədə üst-üstə 422 min 972 daimi iş yeri yaradılıb. Amma daimi işləyənlərin sıra sayı bu dövrdə cəmi 5 min 100 artıb:
“Qeyd edilən dövrdə 417 min 872 daimi iş yeri sıradan çıxaraq bağlanıb (422 972 - 5100 = 417 872). Əgər belə olmasaydı, daimi işləyənlərin (muzdla işləyənlərin) sıra sayı 1,9 milyon nəfərdən çox olmalıydı. Lakin statistika komitəsinin yaydığı rəsmi məlumata görə, ölkədə daimi iş yeri olanların sayı 1,5 milyon nəfərdir.
Deməli, ölkədə işsizlik səviyyəsi və yeni iş yerlərinin yaradılması haqqında açıqlanan məlumatlar təsdiqini tapmır. İctimai inam yükünü lap çoxdan itirmiş köhnə informasiyaları təkrar-təkrar dövriyyəyə buraxmaqla irəli getmək, sosial sahədəki tənəzzülü durdurmaq, əhalinin yaşayışını yaxşılaşdırmaq olmaz. Belə bir vəziyyətdə aldadılan ictimaiyyətdən dəstək almaq da mümkün deyil. Odur ki, “Ən böyük biclik düzlükdür!” prinsipindən çıxış edərək real problemlərin həllinə köklənmək daha düzgün yoldur. Xeyir də, bərəkət də bu yoldadır”.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: ordusunun, genishlenib, siralari, shsizler
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

20-07-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ