yüklənir...
yüklənir...

SONDƏQİQƏ

XalqXəbər.Az
yüklənir...

Diqqət: bu adla saxta dərman var - VİDEO

Diqqət: bu adla saxta dərman var - VİDEO
21-12-2017, 16:59 356 dəfə baxılıb

Sosial şəbəkələrdə “Essensial forte” dərman vasitələrinin kapsullarının içərisinin boş olduğuna dair video yayılıb. Dərman kapsullarının boş olması zaman-zaman gündəmə gəlir və əhalinin narahatlığına səbəb olur.
Məsələ ilə bağlı Axar.az-a danışan tibb üzrə ekspert Adil Qeybulla bildirib ki, Səhiyyə Nazirliyinin keyfiyyət parametrlərini yoxlamaqla məşğul olan xüsusi qurumu var:
“Saxta dərman preparatlarının yoxlanması bilavasitə həmin quruma aiddir. Əslində, kapsul dərman əlavəsidir. Bunlar dərmanı qorumaq üçün olan vasitədir. Kapsul elə maddələrdən istehsal olunur ki, mədədə həzm oluna bilsin. Bəzi kapsullar onikibarmaq bağırsaqda həzm olunur. Kapsulun təyinatı dərman vasitəsinin həzm üzərindən ötürülməsini təmin etməkdir. Bir kapsulun boş olması məhsulu istehsal edən firmanın deffekti ola bilər. Bir neçə kapsul və ya ümumiyyətlə, bir neçə qutu dərman boşdursa, bu artıq ciddi problemdir və mütləq şəkildə araşdırılmalıdır. Bu dərmanların istehsalı prosesi adətən robotlar vasitəsilə həyata keçirilir. Buna görə də kapsulların boş olması və digər səhvlərə yol verilməsi ehtimalı çox aşağıdır”.

Ekspertin sözlərinə görə, saxta kapsullar faydasızdır və insan səhhətində fəsadlar yarada bilər:

“Essensial forte” geniş istifadə olunan dərmanlardan biridir. Ola bilər ki, həmin dərman geniş yayıldığına görə onun saxta variantları da qanunsuz şəkildə istehsal olunsun.
Bu kapsulların boş olması onu göstərir ki, həmin dərman saxtadır. Saxta kapsulların istehsalı zamanı tərkibində istifadə edilən maddələrdən asılı olaraq, insan sağlamlığına müxtəlif zərərli təsirlər göstərə bilər”.
Qeyd edək ki, bir çox səhiyyə işçisi Hindistan, Pakistan kimi ölkələrdən saxta dərman mallarının idxal olunduğunu və Avropa məhsulu adı ilə əhaliyə satıldığını iddia edir.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: Diqqet, derman, adla, saxta, VDEO, var, bu,
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

16-08-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ