yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

Məhərrəmliklə bağlı monitorinqlərin nəticələri açıqlandı

Məhərrəmliklə bağlı monitorinqlərin nəticələri açıqlandı
14-11-2017, 16:53 23 414 dəfə baxılıb

Məhərrəmlik mərasimlərindən sayılan "Ərbəin günü" (İmam Hüseynin şəhadətinin qırxıncı günü) Qafqaz Müsəlmanları İdarəsinin (QMİ) təqviminə uyğun olaraq, noyabrın 9-na təsadüf edib.
Dini Qurumlarla İş üzrə Dövlət Komitəsinin (DQİDK) sədr müavini Səyavuş Heydərov Trend-ə bildirib ki, bu günlə bağlı Bakı şəhərində və respublikanın bölgələrində məscidlərdə mərasimlər təşkil olunub, əzadarlıq məclisləri keçirilib.
Onun sözlərinə görə, DQİDK respublika üzrə apardığı monitorinqlər zamanı "Ərbəin günü" mərasimləri ilə bağlı qanunvericiliyin pozulması halı müşahidə edilməyib, tədbirlər normal şəkildə icra olunub: "Ümumiyyətlə, cari ildə Məhərrəmlik mərasimləri müvafiq qanunlar çərçivəsində, Qafqaz Müsəlmanları İdarəsinin (QMİ) qəbul etdiyi fitvada irəli sürülmüş şəriət qaydaları əsasında keçirilib. DQİDK tərəfindən Məhərrəmlik mərasimləri ilə bağlı hazırlanan Tədbirlər Planına uyğun olaraq, cari ildə Aşura mərasimlərinin sivil, milli adət-ənənələrimizə uyğun formada keçirilməsi istiqamətində həm QMİ, həm yerli icra, həm də hüquq-mühafizə orqanları ilə əlaqəli şəkildə müvafiq tədbirlər görülüb".
S.Heydərov vurğulayıb ki, "Tasua" və "Aşura" günü məscidlərdə xüsusi monitorinqlər təşkil olunub, Dövlət Komitəsinin rəhbərliyi də daxil olmaqla, əməkdaşları respublika üzrə məscid və ziyarətgahlarda keçirilmiş mərasimlərdə iştirak edərək, yaxından müşahidələr aparıblar: "Aparılmış monitorinqlər, daxil olmuş məlumatların ümumi təhlilinə əsasən qeyd edə bilərik ki, bu il Məhərrəmlik mərasimləri ümumilikdə sabit keçib, ciddi pozuntuya yol verilməyib. Bəzi yerlərdə qeydə alınan kiçik neqativ hallar mərasimlərin ümumi gedişatına təsir göstərməyib. Qısa müddətdə onların aradan qaldırılması istiqamətində tədbirlər görülüb".
Sədr müavini qeyd edib ki, cari ildə az da olsa, fərdi şəxslər tərəfindən xurafat və mövhumat elementlərini özündə ehtiva edən zəncirvurma, qançıxarma halları müşahidə olunub, həmin şəxslərlə bu istiqamətdə tövsiyə xarakterli profilaktik söhbətlər aparılıb: "Ümumiyyətlə, Məhərrəmlik mərasimləri qanunvericiliyə uyğun olaraq, ibadətgahlarda (məscid və ziyarətgahlarda) və onlara məxsus ərazilərdə təşkil olunub, kənar yerlərdə kütləvi mərasimlərin keçirilməsi müşahidə edilməyib".


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: achiqlandi, bagli, Meherremlikle, monitorinqlerin, neticeleri
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

22-11-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ