SON DƏQİQƏ
XalqXeber.Az » Sosial » 2 hakim vəzifəsindən azad olundu, 7 sədrin səlahiyyətlərinə xitam verildi

2 hakim vəzifəsindən azad olundu, 7 sədrin səlahiyyətlərinə xitam verildi

Tarix:

14-10-2017, 11:12

/ 88 449 dəfə oxundu.
2 hakim vəzifəsindən azad olundu, 7 sədrin səlahiyyətlərinə xitam verildi

Məhkəmə-Hüquq Şurasının növbəti iclası keçirilib.
Ədliyyə Nazirliyindən verilən məlumata görə, nazir Fikrət Məmmədovun sədrliyi ilə keçirilən iclasda birinci instansiya məhkəmələrinin 70-dək hakiminin səlahiyyət müddətinin başa çatması ilə əlaqədar onların fəaliyyəti müzakirə edilməklə qiymətləndirilib.
Aparılan prinsipial təhlil və müzakirələr nəticəsində vətəndaşların haqlı narazılığını doğuran nöqsan və pozuntulara yol vermələri nəzərə alınaraq apellyasiya və birinci instansiya məhkəmələrinin ümumilikdə 20 hakiminin, o cümlədən 7 məhkəmə sədrinin hakimlik səlahiyyətlərinə xitam verilmiş, 6 məhkəmə sədri və apellyasiya məhkəmələrinin 8 hakiminin aşağı işə keçirilməsi məqsədəuyğun bilinmişdir. Həmçinin, bir sıra birinci instansiya məhkəmələrinin sədri və hakimlərinin təyinatı, habelə hakim kadrlarından daha səmərəli istifadə edilməsi məqsədilə bəzi hakimlərin iş yerinin dəyişdirilməsi barədə Azərbaycan Respublikası Prezidentinə müvafiq təkliflər verilmişdir.
Tədbirdə məhkəmə hakimiyyətində yalnız mənəvi saflığı, peşəkarlığı, yüksək hazırlığı və qərəzsizliyi ilə fərqlənən hakimlərin təmsil olunmasının zəruriliyi bildirilmiş, hakimliyə namizədlərin mütərəqqi beynəlxalq standatlar səviyyəsində, ən şəffaf üsullarla seçimi prosesi haqqında məlumat verilmiş, hazırda 126 nəfər hakimliyə namizədin çoxmərhələli imtahanlarda müvəffəqiyyət qazanaraq, 1 illik ilkin tədris kursuna cəlb edildiyi vurğulanmışdır.
İclasda həmçinin, qanunvericiliyin tələblərinin və icra intizamının pozulması hallarına, habelə süründürməçiliyə yol verdiklərinə görə 2 hakimin tutduğu vəzifədən azad olunaraq aşağı işə keçirilməsi qərara alınmış, 2 hakim barədə intizam icraatı başlanılmışdır.

Şərhlər

XƏBƏR LENTİ