yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

Defis üçün 5 manat istəyirlər - Polisin qərarı qalmaqal yaratdı

Defis üçün 5 manat istəyirlər - Polisin qərarı qalmaqal yaratdı
13-10-2017, 11:27 88 798 dəfə baxılıb
yüklənir...

Daxili İşlər Nazirliyinin (DİN) Baş Dövlət Yol Polisi İdarəsi mexaniki nəqliyyat vasitələrinin dövlət qeydiyyat nişanları standartlarının tələbləri ilə əlaqədar sürücülərə müraciət edib.
Ötən gün edilən xəbərdarlıqda bildirilir ki, bəzi sürücülər daha gözəl göründüyünü düşünərək nömrələrin üzərinə həkk olunmuş defis simvollarını silirlər. Bu hərəkət qayda pozuntusu hesab edilir və həmin halın aradan qaldırılması üçün sürücülərə 1 ay müddətində vaxt verilib. Əks halda sürücülər inzibati məsuliyyətə cəlb olunacağı qeyd olunub.
Sözügedən xəbərdarlıq sürücülər tərəfindən birmənalı qarşılanmayıb. Bir çox avtomobil sahibi defis işarəsinin elə DYP-dən nömrə alınan zaman 5 manat ödəməklə polis tərəfindən silindiyini bildiriblər. Bu, sosial şəbəkələrdə ən çox müzakirə olunan mövzuya çevirilib. Əksəriyyət isə belə yazıb: “Xırdalanda məndən 5 manat aldılar ki, xətsiz etsinlər. Çox vaxt o xətti nömrə verən zaman silirlər. Silməməyin qiyməti 5-10 manatdır”.
Bəzi sürücülər isə nömrə nişanlarındakı sözügedən defis işarəsinin silinməsindən hətta xəbərsiz olduqlarını bildiriblər.
Demək olar ki, polisin bu xəbərdarlığına reaksiya verənlərin hamısı bu problemin elə polis tərəfindən yaradıldığını bildiriblər. Qeyd edirlər ki, nömrə alınan zaman rəqəmlərin üzərində olan yapışdırıcı silindiyi kimi defislərin üzərində olan ağ yapışdırıcı da silinməlidir. Lakin nömrəni sürücüyə təqdim edən polis əməkdaşlarının özləri 5 manat müqabilində defisin üzərindəki rəngi silməməyi təklif edirlər.
Məsələylə bağlı Baş Dövlət Yol Polisi İdarəsinin şöbə rəisi, polkovnik Kamran Əliyevlə əlaqə saxlayıb. Polkovnik isə sürücülərin iddialarını təkzib edib və bildirib ki, seriya nömrələri verilən zaman polisin orada hansısa standart normalara toxunması qeyri-mümkündür
“Nömrələrin konkret standartı var və kimsə orada nəyisə silib verə bilməz. Həmin standarta görə, nəqliyyat vasitəsinin dövlət qeydiyyat nişanı çap olunub verilirsə, vətəndaş müdaxilə etdiyi təqdirdə sürücü başa düşməlidir ki, bunun məsuliyyəti onun üzərinə düşür. Əgər standartda defis, çərçivə xətti nəzərdə tutulubsa bu, elə də olmalıdır. Düzdür kim hansı məqsədlə bunu edir bilmirəm, amma yəqin fikirləşirlər radara düşməz və yaxud estetik baxımdan daha yaxşı görünür. Buna görə də biz sürücülərə müraciət etmişik ki, bir ay müddətində həmin nasazlıqları aradan qaldırsınlar. Bunun üçün də istənilən yol polisi şöbəsinə, stasionar postlara yaxınlaşıb ödənişsiz və təxminən 2-3 dəqiqəyə bu nasazlığı aradan qaldıra biləcək. Bütün əməkdaşlarımıza tezquruyan xüsusi boyalar verilib.
Bir ay müddətində vaxt verilib və bu müddət ərzində hər hansı bir cərimə nəzərdə tutulmayıb. Yox əgər verilən müddət ərzində tələblər ödənilməzsə, sürücülər inzibati xətalar məcəlləsinin 342.5-ci maddəyə müvafiq olaraq 50 manat dəyərində cərimələnəcək”.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: yaratdi, , 5, qerari, qalmaqal, isteyirler, Polisin, manat, uchun, Defis
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

17-10-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ