Yasamal rayonu, Əhməd Cavad küçəsinin zibilləri artıq 15 gündür yığılmır. Bu barədə adıçəkilən ərazinin sakinləri məlumat verib. Şikayətçilər bildirir ki, 15 gündür küçənin zibilləri yığılmır.
Bildirilir ki, məsələ ilə bağlı Yasamal rayon İcra Hakimiyyətinə bir neçə dəfə məlumat verilib. İcra Hakimiyyətindən isə küçə sakinlərinə deyilib ki, zibillər yığılacaq. Lakin bu vəddən bir neçə gün keçsə də, Əhməd Cavad küçəsində zibillər qalaqlanmağa davam edir. Sakinlər onu da qeyd edir ki, zibil topalarından ətrafa yayılan üfunət iti də artıq dözülməz həddədir. 
