SON DƏQİQƏ
XalqXeber.Az » Sosial » “Xəstəxanadadır, atasının öldüyünü bilmir” - Eks-nazirdən kömək istədilər

“Xəstəxanadadır, atasının öldüyünü bilmir” - Eks-nazirdən kömək istədilər

Tarix:

3-10-2017, 15:01

/ 81 403 dəfə oxundu.
“Xəstəxanadadır, atasının öldüyünü bilmir” - Eks-nazirdən kömək istədilər

Keçmiş Xarici işlər naziri Tofiq Zülfüqarovun da adının hallandığı Xətai rayonunda baş verən yol nəqliyyat hadisəsi nəticəsində dünyasını dəyişən Uğur Vəliyevin yaxınları qəzaya səbəb olanların ailəyə köməklik etmələrini tələb edir.​
Bununla bağlı “Qafqazinfo”ya müraciət edən Nailə Mirzəyeva bildirib ki, Uğur Vəliyevin 3 övladı var: “O qızı ilə kirayə tutduqları evdə yaşayırdı. Qızı ailəsindən ayrılıb. Himayəsində də 12 yaşlı bir övladı var. Evin tək köməyi ata idi. O qazanıb kirə pulunu və qızının xəstəxana xərclərini ödəyirdi. İndi qızı Ağciyər İnstitutunda ağır vəziyyətdə müalicə alır. Heç atasının rəhmətə getdiyini də bilmir. Biz hadisəyə səbəb olan hər iki sürücüdən, keçmiş xarici işlər nazirimiz Tofiq Zülfüqarov və Rasim Əsgərovdan ailəyə bu çətin vəziyyətdə kömək etmələrini, onlara dəymiş ziyanın ödənilməsini xahiş edirik”.
Xatırladaq ki, hadisə sentyabrın 15-də Bakıda Xətai rayonunda baş verib. Uğur Vəliyev Azərbaycanın keçmiş xarici işlər naziri Tofiq Zülfüqarovun idarə etdiyi “Mercedes” markalı avtomobilin yan güzgüsü ilə vurulub, daha sonra piyadanın üstündən Rasim Əskərovun idarə etdiyi “Ford” markalı yük maşını keçib. Nəticədə piyada aldığı xəsarətdən yerindəcə dünyasını dəyişib.

Şərhlər

XƏBƏR LENTİ