SON DƏQİQƏ
XalqXeber.Az » Sosial » Sumqayıt təhsil ocağında direktorun özbaşınalığından yaranan qalmaqal

Sumqayıt təhsil ocağında direktorun özbaşınalığından yaranan qalmaqal

Tarix:

25-09-2017, 00:15

/ 44 144 dəfə oxundu.
Sumqayıt təhsil ocağında direktorun özbaşınalığından yaranan qalmaqal

İcra başçısına hörmətsizlik hardan və kim tərəfindən yaradılmaqdadır...?

Sumqayıt şəhəri 9 saylı məktəbin 1958-ci ildə təhsil ocağı olaraq təməli qoyulub. 9 saylı məktəb iki növbəli olmaqla yanaşı İngilis və Rus dilləri xarici dil kimi tədris edilir. Hal-hazırda illik 971 şagirdə məktəbdə 58 müəllim heyəti dərs deməkdədir. İnşatçılar qəsəbəsində yerləşən məktəbə təlabat çox olsada burda qoyulan tələblər məktəbdə şagird sayının çoxalmasına heç cürə imkan yaratmamaqdadır. Məktəbin göstəricilərinə və yerli sakinlərin bildirdiklərinə nəzər saldıqda isə burada nələrin baş verdiyini anlamaq o qədərdə çətin deyildir. 1958-ci ildən bu günümüzə qədər məktəbə bir çox şəxslər rəhbərlik etməsinə baxmayaraq hal-hazırkı direktorun yaratdığı korrupsiya burulğanı kimi səs küylü idarəçi olmadığıda qeyd edilən məlumatlarda yer almaqdadır.
Sumqayıt şəhər 9 saylı tam orta məktəbin direktoru Səlimxanov Bəhruz Ramazan oğlunun qanunsuz qəbul etdiyi qərarların və dərs saatları üçün aldığı “şirinlik” lərlə bağlı çox saylı məlumatlar verilməkdədir. Belə ki, məktəb direktoru B.Səlimxanovun apardığı qanunsuz islahat desək yəqinki yanılmarıq. Müəllimlərin dərs saatlarının verilmə qiymətinin 200 manat qiymətləndirilməsi ondan xəbər verir ki, təhsil ocağında müəllimlər təhsil öyrətmək deyil məvacibin yüksək olması üçün saat satın almaqdadır. Müəllimlərin bu hala salınmasında böyük əməyi olan B.Səlimxanovun yaxın tanışlarına arxalı olduğun bildirməsi belə özündən nə qədər razı olduğuna işarədir.
Daxil olan yuxarıda qeyd edilmiş məlumatları araşdırdıqda isə B.Səlimxanovun arxalıyam deməsinin arxasındakı şəxsin isə Sumqayıt Şəhər İcra Hakimiyyətinin başçının müavini – İctima-siyasi və humanitar məsələlər şöbəsinin müdiri Səmədov Teymur Qırımxan oğlunun olduğu verilən informasiyada qeyd edilməkdədir. Teymur Səmədova arxalanan məktəb direktoru Bəhruz Səlimxanov 9 saylı məktəbi açıq bazara çevirib. Arxalı olduğundan olacaq ki, bu şəxsə bu günə qədər qurduğu alqı-satqı məsələlərinə görədə dəyib toxunan yoxdur. Qısa araşdırmamız onuda üzə çıxardıb ki, tək 9 saylı məktəb direktoruna deyil 1 saylı, 22 saylı və özünün vaxtı ilə işlədiyi 4 saylı orta məktəbə öz şəxsi kadrlarını yerləşdirərək onları himayəsində saxlamaqdadır. Apardığımız araşdırmalardan məlum olub ki, İcra başçısı Zakir Fərəcovun keçirdiyi və ya iştirak edəcəyi hər hansı tədbirdə yuxarıda sadalanan məktəblərin direktorları həmin tədbirdə heç zaman iştirak etməməkdədirlər. T.Səmədovun dostluq etdiyi – 1 saylı məktəbin direktoru Ruhiyyəxanım, 4 saylı məktəbin direktoru Səadət xanım və 22 saylı məktəbin direktoru Tahirə xanımla sıx-sıx görüşür. İsti münasibətinin olduğu bu direktorlar niyə və hansı səbəbdən icra başçısının tədbirlərinə gəlmədikləri isə naməlum olaraq qalır.

Yazıda adları keçən şəxslərin və qurumların mövqeyini dinləməyə hazırıq.

Bakunews.az

Şərhlər

XƏBƏR LENTİ