Azərbaycan Prezidenti İlham Əliyev aprelin 15-də Notr-Dam kilsəsində baş vermiş güclü yanğınla bağlı Tvitter mikrobloqunda paylaşım edib.
Dövlət başçısı tvitlərini fransız və ingilis dillərində qeyd edib.
“Fransanın və dünyanın mədəni irs incilərindən biri olan Paris Notr-Dam kilsəsində baş verən yanğınla bağlı dərindən kədərləndim. Ümid edirəm ki, abidə qısa müddət ərzində bərpa olunaraq yenidən bəşəriyyətə qaytarılacaq”, - deyə İlham Əliyev bildirib.
