Milli Şura sədri Cəmil Həsənli FB səhifısində hökumətin pensionerlərə pul verməmək üçün onlara qarşı hazırladığı yeni fırıldaq barədə yazıb:
“Hökumət indi də mövcud əmək pensiyalarının azaldılmasına tələ qurur. Bilirsiniz ki, ökədə 1 milyon 330 min əmək pensiyaçısı var. Bir neçə ilə öncə xalqın rifahını ”yaxşılaşdırmaq” adı altında keçirilən islahat faktiki olaraq əmək pensiyalarının 2 dəfə azalmasına gətirib çıxardı. Yəni, eyni vəzifədə işləyib “islahatdan” sonra pensiyaya çıxan vətəndaşlar, islahatdan öncə pensiya çıxan vətəndaşlardan təxminən yarıbayarı az pensiya aldı.
İndi bu “bərabərsizliyi” aradan qaldırmaq üçün “Əmək pensiyaları haqqında” qanuna dəyişikliklər bu ilin iyun ayının 1-də qüvvəyə minib. Bu dəyişikliyə əsasən, 1 milyon 330 min əmək pensiyaçısının hər birinin pensiya işini yenidən araşdırmaq üçün yaxın günlərdə Nazirlər Komitəsinin qərarı ilə komissiya yaradılacaq və komissiya 6 ay ərzində bütün əmək pensiyaçılarının 1992-ci ilə qədər olan stajını araşdıracaq. Əslində bu iş əmək və əhalinin sosial müdafiəsi nazirliyi tərəfindən görülüb. Lakin pensiya sisteminin bu yeni qaydalarla müəyyənləşməsi vətəndaşların pensiya təminatında ciddi azalmalara gətirib çıxaracağı üçün nazirlik bu məsuliyyəti təkbaşına öz üzərinə götürməyib. Bunu Nazirlər Kabinetinin müvafiq komissiyası vasitəsi ilə etmək istəyirlər. Bu “yeni qaydalar” maliyyə böhranı şəraitində onsuz da simvolik məbləğə yaxınlaşmış pensiyaları artırmaq üçün deyil, vətəndaşların hazırkı pensiyalarını azaltmaq üçün yeni bir tələdir və əhali onun acınacaqlı nəticələrini yaxın vaxtlarda görəcəkdir. 2018-ci ilin dövlət büdcəsində sosial xərclərin azaldılması da məhz, buna hesablanıb.”
