SON DƏQİQƏ
XalqXeber.Az » Siyasət » "Azərbaycan cəmiyyətini idarə edə biləcək insanları idarəçiliyə gətirmək lazım idi" - Əli Həsənov

"Azərbaycan cəmiyyətini idarə edə biləcək insanları idarəçiliyə gətirmək lazım idi" - Əli Həsənov

Tarix:

27-10-2017, 09:36

/ 94 317 dəfə oxundu.
"Azərbaycan cəmiyyətini idarə edə biləcək insanları idarəçiliyə gətirmək lazım idi" - Əli Həsənov

“Yeni Azərbaycan Partiyası cəmiyyətimiz üçün çoxsaylı nümunələr yaradıb. Bunlardan biri də partiya-lider-xalq birliyidir. Lider-partiya-cəmiyyət şkalası üzrə YAP öz sıralarını bu gün də genişləndirir”.
Bunu Prezidentin ictimai-siyasi məsələlər üzrə köməkçisi Əli Həsənov Yeni Azərbaycan Partiyası (YAP) Nəsimi rayon təşkilatının X konfransında çıxışı zamanı deyib. O, bildirib ki, partiya Azərbaycan xalqının milliyyətindən, dinindən, sosial vəziyyətindən asılı olmayaraq bütün təbəqələrini özündə birləşdirir. Ə. Həsənov partiyanın yaradılması dövründən danışıb: "Bildiyimiz kimi, o dövrdə Azərbaycanda gərgin siyasi vəziyyət mövcud idi. Ümummilli Liderin o zaman müəyyən etdiyi milli birlik strategiyası bu gün də Yeni Azərbaycan Partiyasının təməl prinsiplərindəndir. Azərbaycan hakimiyyətinin mənbəyində xalq dayanır.
Digər ideya bütün insanların potensialından dövlət quruculuğunda, dövlətin potensialından isə vətəndaşların sosial rifahının, milli-mənəvi ehtiyaclarının təmin olunmasında istifadə edilməsi ilə bağlı idi. Belə ki, Azərbaycan cəmiyyətini idarə edə biləcək insanları idarəçiliyə gətirmək lazım idi. Bu prinsip Azərbaycanın bugünkü inkişafının təməlində duran əsas amillərdən biridir. Ulu Öndər, həmçinin ölkədə qanunçuluq məsələsini önə çıxardı. Təbii ki, xaos, böhran şəraitində heç bir inkişafdan danışmaq olmazdı" - deyə Ə.Həsənov vurğulayıb.
Prezidentin köməkçisi qeyd edib ki, bu gün beynəlxalq reytinq ölçən mərkəzlər Azərbaycanı rəqabət qabiliyyətliliyinə, iqtisadi inkişaf potensialına, dövlətin vətəndaşlara və biznesə qayğısına, liberallaşmaya və digər amillərə görə dünya dövlətləri arasında 35-ci yerə layiq görüb. Bu gün ali təhsilli bütün vətəndaşlar imtahan verməklə dövlət qulluğuna işə qəbul oluna bilər. Bu da sosial ədalətin bariz nümunələrindən biridir.

Şərhlər

XƏBƏR LENTİ