SON DƏQİQƏ
XalqXeber.Az » Siyasət » ATƏT sədri Bakıya gəlir

ATƏT sədri Bakıya gəlir

Tarix:

7-02-2017, 14:57

/ 1 612 dəfə oxundu.
ATƏT sədri Bakıya gəlir

ATƏT-in fəaliyyətdə olan sədri, Avstriyanın Xarici İşlər naziri Sebastyan Kurts Azərbaycana səfər edəcək

Avstriya Xarici İşlər Nazirliyindən verilən məlumata görə, səfər yaxın aylarda baş tutacaq. Hazırda səfərin tarixi dəqiqləşdirilir.

Səfər zamanı Ermənistan-Azərbaycan, Dağlıq Qarabağ münaqişəsinin nizamlanması məsələsinin müzakirə ediləcəyi gözlənilir.

Avstriya XİN-dən bildiriblər ki, ATƏT-dəki Avstriya sədrliyi ATƏT-in Minsk Qrupunun həmsədrlərinin münaqişəsinin nizamlanması üzrə səylərini dəstəkləyir.

"ATƏT-in sədrliyi fəaliyyətdə olan sədrin şəxsi nümayəndəsi Anjey Kaspşikin, eləcə də fəaliyyətdə olan sədrin Cənubi Qafqazdakı xüsusi nümayəndəsi, səfir Günter Baxlerin vasitəsiylə ATƏT-in Minsk Qrupunun həmsədrlərinin səylərini fəal şəkildə dəstəkləyir. Avstriya neytral ölkə kimi uzunmüddətli ənənələrinə sadiq qalaraq, münaqişənin nizamlanmasına töhfə verməyə və ya tərəflərin görüşünü keçirməyə hazırdır", - Avstriya XİN-dən bildiriblər.

Xatırladaq ki, Avstriya bu il yanvarın 1-dən etibarən bir il müddətinə ATƏT-ə sədrliyi qəbul edib və sədrliyinin prioritetlərindən biri təşkilat məkanında həll olunmamış münaqişələrin nizamlanması məsələsi olduğunu bəyan edib.

Şərhlər

XƏBƏR LENTİ