SON DƏQİQƏ
XalqXeber.Az » Siyasət » The Guardian”ın iddiasına sərt reaksiya - Türkiyə mediasından dəstək

The Guardian”ın iddiasına sərt reaksiya - Türkiyə mediasından dəstək

Tarix:

5-09-2017, 17:53

/ 55 845 dəfə oxundu.
The Guardian”ın iddiasına sərt reaksiya - Türkiyə mediasından dəstək

Azərbaycan Respublikası Prezidentinin İctimai-siyasi məsələlər üzrə köməkçisi Əli Həsənovun OCCRP adlı qurumun xarici mediada yayılmış materialı ilə bağlı ölkə mediasına verdiyi açıqlama Türkiyədə çıxan "Hürriyet" qəzetində də dərc olunub.

Qəzetdə Ə.Həsənova istinadən qeyd olunur:

"“The Organized Crime and Corruption Reporting Project” (OCCRP) kimi qeyri-şəffaf və bəlli məqsədlər üçün yaradılmış qurumların qərəzli iddialar və subyektiv mülahizələrdən ibarət materialları məhz bu kimi anti-Azərbaycan mərkəzlərin və şəbəkələrin sifarişi əsasında hazırlanır, sonra isə dünya mediasında tirajlanır. Bunda başlıca məqsəd Azərbaycanın sağlam imicini zədələmək və onun haqqında mənfi beynəlxalq rəy formalaşdırmaqdır. Həmçinin, Azərbaycana dost münasibəti bəsləyən, ölkənin inkişafı, ictimai-siyasi həyatı, iqtisadi nailiyyətləri ilə bağlı pozitiv fikirlər bildirən tanınmış şəxslər – ictimai-siyasi xadimlər, rəsmi şəxslər, ekspertlər də hədəfə götürülür, heç bir əsas olmadan onların fəaliyyəti şübhə altına alınır.

Araşdırmalar göstərir ki, OCCRP-nin yaydığı həmin materialın əsas müəlliflərindən biri milliyyətcə ermənidir. Həmçinin Guradian-da dərc olunmuş məlum məqalənin müəllifləri sırasına Dina Negapetyants adlı erməni əsilli şəxs daxildir. Bu materialın dünya mediasında geniş yayılmasında da erməni lobbisi, onun təsiri altında olan anti-Azərbaycan şəbəkə və media nümayəndələri yaxından iştirak edirlər.

Onu da qeyd etmək istərdim ki, əvvəlki dövrdə də Azərbaycana, ölkə prezidenti və onun ailə üzvlərinə qarşı bu kimi qərəzli iddialar irəli sürülmüş, ölkəmizlə bağlı çirkin kampaniya təşkil etmək cəhdləri olmuş, lakin onun sifarişçiləri və icraçıları öz məqsədlərinə çata bilməmişlər.

Bir daha bəyan edirik ki, OSSRP-nin imzası ilə dövriyyəyə buraxılmış son iddialar qərəzlidir, əsassızdır, təxribat xarakterlidir və Azərbaycana qarşı bəlli dairələr tərəfindən təşkil olunmuş çirkin qarayaxma kampaniyasının tərkib hissəsidir”.

Qeyd edək ki, "Hürriyet" Türkiyədə fəaliyyət göstərən və milyonlarla oxucusu olan qəzetidir. İndiki mərhələdə bu qəzetin Prezidentin köməkçisinin fikirlərini tirajlaması onun Azərbaycanın yanında yer almasını göstərir.

Onu da deyək ki, Əli Həsənovun sözgüdən açıqlaması Azərbaycan mediasında da geniş şəkildə yayılıb.

Şərhlər

XƏBƏR LENTİ