Əməkdar artist Lalə Məmmədova ilə müğənni Afaq Aslan arasında sosial şəbəkədə qalmaqal yaşanıb.
Məlumata görə, L. Məmmədova A.Aslanın şəklinə, “Xahiş edirəm ki, müğənni adına ləkə gətirməsinlər, mahnı ortaya qoysunlar, arxalarını yox!” şərhini yazıb
A.Aslan isə onun bu sözlərinə belə cavab verib:
“Mənim haqqımda rəy bildirməyə çalışan şou nümayəndələri, hərə getsin öz işi ilə məşğul olsun. Hərə getsin özünə və keçmişinə nəzər salsın, daha sonra mənim haqqımda rəy yazsın. İlk öncə sənətə gəlmək üçün keçdiyi "keşməkeşli" yolları nəzərə salsın, ondan sonra mənim haqqımda danışsın. Namusdan, qeyrətdən xəbəri olmayan namusu əlində bayraq edir. Kimdə nədən yoxdursa, hər zaman ondan danışır. Mənə sataşmaqla özlərinə reklam qazanmaq istəyirlər. Mənim geyim tərzimin kimə isti-soyuğu var?! Bacarırlarsa, özləri də geyinsinlər. Amma qorxurlar ki, artıq çəkiləri, qat-qat sallanan qarınları görsənər. Gecə-gündüz evli kişilərin qucaqlarından düşmürlər, daha sonra evli kişidən uşaq dünyaya gətirirlər,camaata dərs keçmək iddiasına düşürlər. Haqqımda danışan hər kəsə cavab verəcək sübutlarım var. Ağızlarına yiyəlik etsinlər. Yoxsa… Elə burada saxlayım. Çünki ağzımı açsalar, açacam sandığı, tökəcəm pambığı”.
