Keçmiş həyat yoldaşı, reper Elşad Xose tərəfindən döyüən və bıçaqla hədələndiyi iddia edilən Oksana Rəsulova hadisə ilə bağlı ilk dəfə açıqlama verib.
Rəqqasə-aktrisa “Xəzər maqazin”ə müsahibəsində Elşad Xoseyə sətiraltı söz atıb. Oksana iddia edib ki, bəzi kişilər ondan maddi cəhətdən asılı olub:
“Mənə məxsus olan bir problemdir. Heç kimin həyatını müzakirə etmək lazım deyil. Görünüşüm yerindədir, bəlkə, yenidən ailə həyatı qurdum? Hər şey qabaqdadır. Tək qalan deyiləm ki? Həyatda heç bir kişidən asılı olmayan bir qadınam. İnandırım ki, bəzi kişilər məndən asılı olur”.
Oksana daha sonra həmin kişiləri əliylə göstərərk “dırnaqarası” adlandırıb.
