"Reklam təklifləri məni boğaza yığıb. Mən çox yaxınlarımın məhsullarını reklam edirəm".
Bu sözləri aktrisa Pərvin Abıyeva açıqlamasında deyib:
"Səhifələr var ki, özlərini paylaşımlarımın altında reklam edirlər. Mən digər tanınmışlar kimi onları qara siyahıya atmıram. Hamı çörək pulu qazanmaq üçün nə isə addım atır. 2-3 il hər məhsulu reklam edirdim. Hərçənd ki, mən o məhsulları istifadə etmirəm. Mənim istifadə etdiyim özəl məhsullar var".
Sənətçi bu yaxınlarda onu təhqir edən şəxsi məhkəməyə verəcəyinizi bildirmişdi:
"O şəxsi tapdım, məni təhqir edən uşaq idi. Valideynləri çox yalvardı. Hətta Tolik, Təranə Səmədova mənə zəng edib dedilər ki, bağışlayım. Mən uşağı bağışladım".
