yüklənir...
yüklənir...

SONDƏQİQƏ

XalqXəbər.Az
yüklənir...

Kişilərin dəhşətli bəlası - Prostat vəzi

Kişilərin dəhşətli bəlası - Prostat vəzi
15-08-2018, 14:06 387 dəfə baxılıb

Hal-hazırda prostat vəzi şişindən dünyasını dəyişən kişilərin sayı ağciyər xərçəngindən sonra ikinci yerdədir. Prostat vəzi ifrazedici vəzi ünsürlərindən, əzələ liflərindən və birləşdirici toxumadan ibarətdir. O orqanizmdə qoruyucu funksiyanı yerinə yetirib, hormonların miqdarını daim qaydada saxlayır. Prostat vəzinin şişi də bu hormondan asılıdır. O, gedişatına görə, iki hissəyə bölünür: yavaş və bədxassəli. Bəzən şiş yavaş-yavaş inkişaf edir. Bu halda o uzun illər özünü büruzə vermir. Bəzənsə şiş tez metastaz verir. Belə şişin digər orqanlara yayılma təhlükəsi də yüksəkdir.

Xarici KİV-ə istinadən xəbər veririk ki, xəstəliyin məkanı: sidik kisəsi, prostat vəzi, çanaq.

Prostat vəzi haqqında ilk məlumatlar hələ bizim eradan 350 il əvvəl Herofil tərəfindən verilib. Həmin dövrdə kişilər bu xəstəlikdən çox əziyyət çəksələr də, ölənlərin sayı günü-gündən artsa da bunun əlacı tapılmayıb. Elə buna görə də mütəxəssislər xəstəlik haqqında araşdırma aparmayıblar. Uzun müddət səbəbləri sirr qalan prostat vəzi şişi XVII əsrdə həkim Nikolay Massa tərəfindən öyrənilib. XX əsrin əvvəllərində bu xəstəliyin müalicəsi ilə bağlı məlumatlar aşkarlanıb.

Əgər səndə
Qarnın aşağısında ağrılar, sidiyə gedərkən narahatlıq, göynərti, sidikdə qan varsa, çanaq, bud, onurğa, sinə nahiyəsində ağrılar olursa, sümüklərin sızıldayırsa, demək sən, prostat vəzi şişindən əziyyət çəkirsən. Xəstəlik zamanı qəfil arıqlama, zəiflik, dərinin ağarması kimi hallar da müşahidə edilir. Xəstəliyə düçar olan insanlar daim yorğun olurlar, hərarətləri yerli-yersiz qalxır.

Səbəb nədir?

Bu xəstəliyin yaranma səbəbləri hələ də tam öyrənilməyib. İlkin mülahizələrə görə şişin yaranma səbəbi hormonal dəyişikliklər, kişi cinsi hormonunun - testosteronun səviyyəsinin yüksəlməsi ilə bağlıdır. Xəstəliyin yaranma səbəbləri arasında yaş həddinin də rolu böyükdür. Bu xəstəliyə daha çox 45 yaşdan sonra olan kişilərdə rast gəlinir. Böyrəklərdə daş olması da prostat vəzi şişinə gətirib çıxarır. Cinsi əlaqədə az və ya həddindən çox olmaq, xroniki, zöhrəvi və uroloji xəstəliklər də prostat vəzi şişinə gətirib çıxaran amillərdəndir.
Kimlər risk altındadır
· Vaxtlı-vaxtında qidalanmayanlar
· Düzgün pəhriz saxlamayanlar
· Oturaq iş rejimində işləyənlər və az hərəkət edənlər
· Qəbizlikdən əziyyət çəkənlər
· Stress
· Həddindən artıq fiziki işlə məşğul olanlar
· Siqaret çəkənlər
· Prostat vəzi adenomasından əziyyət çəkənlər
· Nəsildə kimdəsə prostat vəzi xərçəngi olanlar
· Təmiz havada az gəzənlər
· İdmanla çox məşğul olanlar
· Sistit xəstələri

Xəstəliyin dəhşətli fəsadları:
Çox vaxt insanlar orqanizmdə yaranan naməlum ağrılara, sidik kisəsindəki göynərtilərə əhəmiyyət vermirlər. Elə buna görə də kiçik problem böyüyərək, şişə çevrilir. Müalicəsiz qalan xəstəlik insan həyatı üçün çox təhlükəlidir. Əgər şiş əllə toxunulanda hiss olunursa, demək, xəstəliyin müalicəsi gecikdirilib. Əgər prostat vəzidəki şiş vaxtında çıxarılmasa metastazlar (əlavə şişlər) əmələ gələr. Belə halda onun sümük, ağciyər, qaraciyər xərçənginə çevrilmə ehtimalı yüksəkdir. Hətta metastazlar böyrəküstü vəzə də yayılacaq. Bu da ölümlə nəticələnə bilər. Prostat vəzi şişi sonsuzluğa gətirib çıxarır. Əgər şiş çox böyüyərsə, sidik kanalını tamamilə bağlayar.

Müalicə necə aparılmalıdır?
Müalicə üç üsulla aparılır: operativ, medikamentoz və şüa müalicəsi. Şiş metastaza çevrilmədiyi halda operativ müalicə üsulundan istifadə edirlər. Medikamentoz müalicə hormonlarla aparılır. Hormonal preparatlar qandakı testosteronun miqdarını qaydaya salır, bu da şişin inkişaf sürətini azaldır. Hormonlarla müalicə xəstəliyi tamamilə aradan qaldırmasa da, onun inkişafının qarşısını alır, xəstənin halını yaxşılaşdırır. Amma hormonal preparatları özbaşına qəbul etmək olmaz. Çünki onlar arterial təzyiqin yüksəlməsinə və bir çox problemlərin yaranmasına səbəb olur. Şüa terapiyası isə şişin metastaza keçməsinin qarşısını alır və xəstənin ömrünü uzadır. Ümumiyyətlə, prostat vəzinin şişini dərman müalicəsi ilə tamamilə aradan qaldırmaq mümkün deyil. Onu yalnız cərrahi üsulla sağaltmaq olar.

Profilaktik tədbir:
Prostat vəzinin şişi zamanı soyuq havada, oturaq vəziyyətdə çox qalmamalısan. Ən əsası siqaret çəkməməlisən. Vitamin və minerallarla zəngin qidalardan çox istifadə edilməlidir. Qida rasionundan mütləq tərkibində nişasta və şəkər olan ərzaqları yığışdırmalısan. Yemək zamanı qətiyyən su içmək olmaz. Ədviyyatlı, tərkibində istiot olan sous, pendir, yumurta, yağlı yeməklər yemək, qaynar çay və kofe içmək qadağandır. Xəstəlik zamanı tez-tez xırda doğranmış soğan yemək xeyirlidir.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

22-10-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ