SON DƏQİQƏ
XalqXeber.Az » Mədəniyyət » Londonda Azərbaycan muğamına dair tədbir keçirilib

Londonda Azərbaycan muğamına dair tədbir keçirilib

Tarix:

17-01-2017, 19:25

/ 2 217 dəfə oxundu.
Londonda Azərbaycan muğamına dair tədbir keçirilib

London Universitetinin bölməsi olan Şərq və Afrika Araşdırmaları Fakültəsində (SOAS) Azərbaycan Milli Elmlər Akademiyasının (AMEA) üzvü, tanınmış musiqişünas, sənətşünaslıq üzrə fəlsəfə doktoru Sənubər Bağırova “Azərbaycanda Muğam: Yeni Tendensiyalar və Klassik Ənənələr” adlı mühazirə ilə çıxış
xalqxeber.az-a daxil olan məlumata görə, mühazirə SOAS Musiqi Departamenti, Vostok Cəmiyyəti və Avropa Azərbaycan Cəmiyyətinin (TEAS) birgə əməkdaşlığı şəraitində baş tutub. Tədbirə SOAS-ın mühazirəçisi və vaxtaşırı BBC Radio 3-də musiqi icmalçısı kimi çıxış edən Dr. Lüsi Düran, dünyanın aparıcı dövri musiqi nəşri olan “Songlines” jurnalının baş redaktoru və “Evening Standard” qəzetinin köşə yazarı Saymon Brouton da daxil olmaqla 70-dən artıq iştirakçı qatılıb.

S.Bağırova muğamın klassik ənənələri barədə danışaraq bildirib ki, muğam Azərbaycanın Ermənistan tərəfindən işğal edilmiş Dağlıq Qarabağ regionunda inkişaf etmiş improvizasiya xarakterli, emosional məna daşıyan, qədim, milli Azərbaycan musiqisidir. O, vurğulayıb ki, Azərbaycan muğam sənəti YUNESKO-nun qeyri-maddi mədəni irsin qorunması üzrə reprezentativ siyahısına daxil edilib.

Sənubər Bağırova həm Azərbaycan, həm də xarici innovatorların ifalarını təhlil edərək vurğulayıb ki, bu ifaçılar muğam ənənəsinə yeni yanaşma tətbiq edir, klassick musiqi ilə caz musiqisini muğamla birləşdirərək çox gözəl effekt yaradırlar. Musiqişünasın sözlərinə görə, muğam mövzuları, yəni sərbəst ölçüsü olan melodiyalar adi qaydada muğam ifaçıları tərəfindən ənənəvi musiqi kimi bəstələnmir. Buna baxmayaraq, ifaçı onun mətninə öz detallarını əlavə edə bilməz. Onlar kanonik və şəxsi elementlər arasında düzgün tarazlıq və ənənəvi elementlərin şəxsi və innovativ elementlərdən üstün olduğu bir tarazlıq saxlamalıdırlar.

Mühazirə Azərbaycan Respublikasının əməkdar mədəniyyət xadimi, Böyük Britaniyada yaşayan tar ifaçısı Rafiq Rüstəmovun ifası ilə müşayiət olunurdu. Rafiq Rüstəmov Ağdam şəhərində anadan olub. Onun musiqi karyerası 1969-cu ildə Musiqi Festivalında qalib olandan sonra başlayıb. O, həmçinin, Xan Şuşinski adına Musiqi Məktəbinin müdiri və “Qarabağ Bülbülləri” ansamblının direktoru olub. Onun “Bayatı-Şiraz” muğamından bir parça və “Rast” muğamının variantlarını virtouz şəkildə ifa etməsi ustadın yüksək musiqi bacarığından xəbər verirdi.

SOAS-dakı mühazirə sual-cavab sessiyası ilə yekunlaşıb.
Londonda Azərbaycan muğamına dair tədbir keçirilib
Londonda Azərbaycan muğamına dair tədbir keçirilib
Londonda Azərbaycan muğamına dair tədbir keçirilib

Şərhlər

XƏBƏR LENTİ