XalqXəbər.Az

"Təki ürək olsun, sevə biləsən, sevməyə hər zaman adam tapılar"

yüklənir...
16-01-2017, 23:53
yüklənir...

Mənimçün məhəbbət Allah kimidi,
fikrimdə, sözümdə hər zaman birəm.
Ürək, – elə zənn et, özgə cibidi,
mən cibgir deyiləm, ürəyə girəm.
Mənim istədiyim gül ayrı güldü,
yada tikanı var, mənə qoxusu.
Biz vəslə yetməmiş, ayrılıq gəldi,
səndə göz olmadı, məni oxusun.
Yeri kənar yerdə kənar qucaq gəz,
sənin ki sevginin hasarı yoxdu.
Məndən kənar dolan, məndən uzaq gəz,
əlimdə xoşbəxtlik açarı yoxdu.
Mən özümdə mənəm, sən özündə sən,
mənə də, sənə də – açıq qapılar!
Təki ürək olsun, sevə biləsən,
sevməyə hər zaman adam tapılar.

Yavər Həsən

yüklənir...
GÜNDƏM
DÜNYA
FACEBOOK SƏHİFƏMİZ

Materiallardan istifadə edərkən sayta mütləq istinad olunmalıdır. Bütün hüquqlar qorunur.