SON DƏQİQƏ
XalqXeber.Az » İqtisadiyyat » Bu vətəndaşlar pensiya ala biləcəklər

Bu vətəndaşlar pensiya ala biləcəklər

Tarix:

27-03-2017, 19:30

/ 2 390 dəfə oxundu.
Bu vətəndaşlar pensiya ala biləcəklər

Komitə üzvü qanunda dəyişiklikləri şərh edib.

“Əvvəlki qanunda 12 il iş stajı tələb olunurdusa, indi bu, aradan qaldırılır. Sadəcə pensiya hüququ qazanmaq üçün Dövlət Sosial Müdafiə Fonduna yığdığı kapitalın 110 manata çatması bəs edir ki, onu alsın. Şəxsin işlədiyi dövrdə DSMF-yə ödənişlər, təxminən 16 min manata qədər olmalıdır ki, minimum pensiya almaq hüququ qazansın. Bunun iş stajına aidiyyəti yoxdur".

Milli Məclisin Sosial siyasət komitəsinin üzvü Musa Quliyev “Əmək pensiyaları haqqında” qanunda dəyişiklikləri şərh edərkən belə deyib. “35 il iş stajı yalnız ona görə lazımdır ki, o şəxs 80 faizlə pensiya alsın. Əmək haqqının 80 faizi ilə pensiya almaq iddiası yoxdursa, ona az staj da kifayət edir” — M. Quliyev bildirib. Onun sözlərinə görə, şəxsin 65 yaşı tamam oldusa, onun yığdığı pensiya kapitalı minimum 110 manata çatırsa, pensiya almaq hüququ qazanır.

Deputat qeyd edib ki, həkim və müəllimlər ümumi qaydada 65 yaşı tamam olanda pensiya alacaqlar: “Belə ki, kişilərin yaş həddi 2017-ci il yanvarın 1-dən başlayaraq 2021-ci il yanvarın 1-dək, qadınların yaş həddi 2017-ci il yanvarın 1-dən başlayaraq 2027-ci il yanvarın 1-dək hər il 6 ay artırılacaq. Bunlar polis və hərbi qulluqçulara şamil olunmur və onlar əvvəlki qaydada pensiyalarını alacaqlar”.

Şərhlər

XƏBƏR LENTİ