Ölkənin mobil bazarında liderlik iddiasında olan “Azercell” şirkəti 2 aydır mətbuatda yerləşdirdiyi reklam xəbərlərinin pulunu ödəmir. Ay ərzində 40-50 reklam xəbərinin yayılmasını tələb edən şirkət olduqca az məbləğdə olan ödənişidən niyə yayınır? “Azercell”də nə baş verir?
Şirkətin reklam məlumatlarının yayılmasını həyata keçirən Media Consulting and Services-dən Bizimxeber.az-a bildiriblər ki, “Azercell” Şirkəti aprel ayının pulunu belə hələ ödəməyib: “Bizə problem olduğunu bildirirlər. Ödəniş edilmədiyi üçün biz də mətbuatda yayılan reklam məlumatlarının ödənişini edə bilmirik. Dəfələrlə müraciət etmişik, konkret cavab yoxdur” deyə MCS-dən bildiriblər.
