Azərbaycanda kreditləşmə prosesi zəiflədiyi üçün kommersiya banklarının faiz gəlirlərinin azalması təbiidir.
Bunu jurnalistlərə açıqlamasında Azərbaycan Banklar Assosiasiyasının (ABA) prezidenti Zakir Nuriyev bildirib.
Bununla belə, onun sözlərinə görə, bankların cəlb etdiyi vəsaitlərin, o cümlədən əmanətlərin də gəlirliliyi aşağı düşdüyü üçün faiz gəlirləri və faiz xərcləri paralel azalır: “Hesab edirəm ki bu ilin sonuna və gələn il Azərbaycanda kredit aktivliyi yenidən artacaq və yaranmış boşluq dolacaq”.
