SON DƏQİQƏ
XalqXeber.Az » Sosial » Xəstəyə vaxtında kömək etməyən tibb işçilərinin cərimələri artırılır - 1500 manat

Xəstəyə vaxtında kömək etməyən tibb işçilərinin cərimələri artırılır - 1500 manat

Tarix:

24-04-2017, 18:33

/ 78 914 dəfə oxundu.
Xəstəyə vaxtında kömək etməyən tibb işçilərinin cərimələri artırılır - 1500 manat

Azərbaycanda xəstəyə kömək göstərməyən tibb işçiləri üçün, eyni zamanda həyat və sağlamlığı təhlükəli vəziyyətdə olan, özünü qoruya bilməyən şəxsi bilə-bilə köməksiz qoymaya görə cərimələrin məbləği 3 dəfədən çox artırılır.
Məlumata görə, Cinayət Məcəlləsinə dəyişikliyin edilməsini nəzərdə tutan yeni layihəyə əsasən, qanunvericiliyə və ya xüsusi qaydalara müvafiq olaraq xəstəyə kömək etməyə borclu olan tibb işçisinin üzürlü səbəblər olmadan tibbi yardım göstərməməsi nəticəsində onun sağlamlığına az ağır zərər vurmaya görə ödənilən cərimənin məbləği 1000 manatdan 1500 manatadək olacaq.
Hazırda isə bu hala görə cərimənin məbləği üç yüz manata qədərdir.
Xatırladaq ki, hazırda bu halı törədənlər Cinayət Məcəlləsi (CM) əsasında qeyd edilən məbləğdə cərimə və ya iki ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə bir ilədək müddətə islah işləri və ya bir ilədək müddətə azadlıqdan məhrum etmə ilə cəzalandırılır.
CM-ə edilən digər yeni dəyişikliyə görə, həyat və sağlamlığı üçün təhlükəli vəziyyətdə olan və özünü qorumaq üçün tədbir görmək imkanından məhrum olan şəxsi bilə-bilə köməksiz qoyma, əgər həmin şəxsi köməksiz qoyan onun qayğısına qalmalı idisə və ya onun özü zərərçəkmiş şəxsi həyat və sağlamlığı üçün təhlükəli vəziyyətdə qoyduqda, zərərçəkmiş şəxsə kömək göstərmək imkanı olduğu halda bunu etmədikdə şəxs 1000 manatdan 1500 manatdək miqdarda cərimə ilə (və ya bir ilədək müddətə islah işləri və ya altı ayadək müddətə azadlıqdan məhrum etmə) ilə cəzalandırılır.
Hazırda isə bu hala görə cərimənin məbləği 300 manatadəkdir.
Qeyd edək ki, bu dəyişiklik Milli Məclisin aprelin 25-də keçiriləcək plenar iclasında müzakirə ediləcək.

Şərhlər

XƏBƏR LENTİ