SON DƏQİQƏ
XalqXeber.Az » Sosial » "Şlaqbaum açıq olub, qırmızı işıq yanmayıb" - BNA "Azərbaycan Dəmir Yolları"nı ifşa etdi

"Şlaqbaum açıq olub, qırmızı işıq yanmayıb" - BNA "Azərbaycan Dəmir Yolları"nı ifşa etdi

Tarix:

19-11-2018, 11:58

/ 1 438 dəfə oxundu.
"Şlaqbaum açıq olub, qırmızı işıq yanmayıb" - BNA "Azərbaycan Dəmir Yolları"nı ifşa etdi

Bakı Nəqliyyat Agentliyi ötən gün Binədə baş verən hadisə ilə bağlı açıqlama yayıb.

Yenicag.az xəbər verir ki, açıqlamada deyilir:

“17.11.2018 tarixində sosial şəbəkələrdə 160 nömrəli müntəzəm marşrut xəttu üzrə dövlət qeydiyyat nişanı 99 JZ 232 olan sərnişin avtobusunun Binə qəsəbəsində dəmir yol keçidi qarşısında dayanması və şlaqbaumun avtobusun üzərində olması ilə bağlı video görüntü yayılıb.

Əksər sosial şəbəkə iştirakçıları və videonu çəkən şəxslər avtobusun sürücüsü Mahmudov Nicat Bəhram oğlunun dəmir yol keçidində xəbərdarlıqlara məhəl qoymayaraq son anda dayandığını ehtimal edirlər.

Məsələ dərhal Bakı Nəqliyyat Agentliyi tərəfindən nəzarətə götürülüb və ciddi araşdırılıb. Müəyyən edilib ki, 17.11.2018 tarxində gündüz saatlarında 160 nömrəli müntəzəm marşrut xətti üzrə hərəkətdə olan avtobus dəmiryol keçidinə yaxınlaşarkən şlaqbaum açıq olub və svetofor işləməyib (qırmızı işığı yanmayıb). Buna baxmayaraq sürücü qatarın gəldiyini bilərək avtobusu dayandırıb. Təqdim edilən video görüntüdən də aydın bilinir ki, şlaqbaum avtobus dayandıqdan sonra bağlanmağa başlayıb və nəticədə avtobusun üstündə qalıb.Yəni avtobus şlaqbaum bağlı olduğu halda keçidə daxil olsaydı, şlaqbaum avtobusun banının üstündə olmazdı. Video görüntünü paylaşan və izləyən şəxslər diqqətlə baxsalar, özləri də əslində məsələnin necə olduğunu anlayacaqlar.

Qeyd edilənləri nəzərə alaraq bir daha bütün sosial şəbəkə istifadəçilərindən xahiş edirik ki, rastlaşdıqları və qeydə aldıqları hadisələri ictimailəşdirməzdən əvvəl Bakı Nəqliyyat Agentliyinin mətbuat xidmətinə müraciət etsinlər. Dəqiqləşdirilməyən və ətraflı araşdırma aparmadan məlumatların təqdim ediməsi yanlış ictimai rəyin formalaşmasına xidmət edir”

Şərhlər

XƏBƏR LENTİ