SON DƏQİQƏ
XalqXeber.Az » Cəmiyyət » Jurnalist Rauf Arifoğlu təhdid olunduğunu bəyan edib - "Dövləti, onun müvafiq orqanlarını vəzifəyə çağırıram"

Jurnalist Rauf Arifoğlu təhdid olunduğunu bəyan edib - "Dövləti, onun müvafiq orqanlarını vəzifəyə çağırıram"

Tarix:

14-07-2018, 10:28

/ 1 806 dəfə oxundu.
Jurnalist Rauf Arifoğlu təhdid olunduğunu bəyan edib - "Dövləti, onun müvafiq orqanlarını vəzifəyə çağırıram"

Tanınmış jurnalist, Yeni Müsavat qəzetinin təsisçisi və baş redaktoru Rauf Arifoğlu təkfirçi vəhhabilər tərəfindən təhdid olunduğunu bəyan edib.

SalamNews xəbər verir ki, jurnalist bu barədə öz Facebook səhifəsində yazib:

"Vəhhabilər Facebookda da İŞİD-lik edirlər: anti -İslam və anti - İnsan sürüsü məni təhdid edir!

Ölkəmizin ən böyük problemlərindən biri də günü - gündən rişələnən vəhabi bəlasıdır. Bunlar dünyanın hər yerində problemdir. Azərbaycanın da bugününü və gələcəyini təhdid edirlər.

Hazırda İŞİD tərəfindən facebookda mənim əleyhimə təhdid kampaniyası gedir. İnboxuma da çoxsaylı təhdidlər gəlir.

Budur, bunların mahiyyəti. Budur bunların adamlığı.

Səbəb? RealTV -də demişəm ki, Gəncədəki dostlarımın məlumatına görə, hadisə günü meydanın ətrafındakı iaşə obyektlərində qısa şalvarlılar da görüblər...

İndiyə qədər qanlı Gəncə terrorunda Rusiya, İran, Avropa, İrəvan izləri barədə danışdım, yazdım. İndi də əminəm ki, çeşidli ölkələrə bağlı olan bir neçə radikal -terrorçi hörgütlər, hərə öz marağı çərçivəsində Gəncədə qan tökülməsində iştirakçıdır.

Cəmi bir cümlə də mahiyyətləri terror olan bu yaramazlar barədə Gəncə mənbələrindən alınan versiyanı səsləndirdim.

Üstümə təhdid və terror yağdırırlar. Kimsə bunlar kimi tərbiyəsiz və qaba reaksiya vermədi, verməz də.

Bunların mənim vətənimdə yaşamaları belə haramdı. Bunlar İslam adına ləkə və utancdı. Məhz vəhabi zehniyyətindən doğan İŞİD terror hörgütü sayəsində İslam bütün dünya boyunca hədəfə alındı. Özləri Qərbin qucağında, müsəlman dünyasını qana çalxadılar, özləri anti - islam və anti -insan! Amma dönüb bizi suçlayır, təhdid edir, hədələyirlər.

Dövləti, onun müvafiq orqanlarını vəzifəyə çağırıram.

Bu terror əsgərlərini, bu İslam ümməti adına ləkə olan ünsürləri rədd etmək lazımdır, Azərbaycandan!"

Şərhlər

XƏBƏR LENTİ