“Vaxtilə “millət atası” adını qazanan Hacı Zeynalabdin Tağıyevin yadigarları tarixdən silinir”.
Bunu tarixçi-alim Fərhad Cabbarov sosial şəbəkədəki statusunda bildirib.
“Şəkildə gördüyünüz binalar H.Z.Tağıyevin Mərdəkandakı bağ evi və Neftçalada tikdirdiyi balıq emalı müəssisəsinin binasıdır. Məmur laqeydliyi ucbatından hər ikisi dağılmaq təhlükəsi ilə üzləşib. Məsələnin dövlət başçısının və Birinci xanımın diqqətinə çatdırılmasına köməklik göstərin. Onların Tağıyevin xatirəsinə olan hörmətinə rəğmən aidiyyatı qurumlar bu cür biganə münasibət sərgiləyir”, - deyə Fərhad Cabbarov qeyd edib.
