SON DƏQİQƏ
XalqXeber.Az » Hadisə » Tanınmış QHT rəhbəri həbs olundu - Məhkəməyə əli qandallı gətirildi

Tanınmış QHT rəhbəri həbs olundu - Məhkəməyə əli qandallı gətirildi

Tarix:

18-06-2018, 14:57

/ 1 789 dəfə oxundu.
Tanınmış QHT rəhbəri həbs olundu - Məhkəməyə əli qandallı gətirildi

Korrupsiyaya qarşı Mübarizə Fondunun təsisçisi Vasif Mövsümovun həbsinin təfərrüatları məlum olub.

xalqxeber.az-ın Criminal.az-a istinadən xəbərinə görə, o, Səbail rayon Məhkəməsinin qərarı ilə həbs edilib.

Həmin məhkəmədə Vasif Mövsümov barəsində Cinayət Məcəlləsinin 178.2.2-ci (dələduzluq; təkrar törədildikdə) maddəsi üzrə məhkəmə prosesi gedirdi.

Bundan başqa hazırda Binəqədi rayon məhkəməsində V.Mövsümovun məhkəmə prosesi gedir. Cinayət işində Mustafayev Səxavət Nurəhməd oğlu, İbrahimova Sədaqət Ədil qızı və Həsənova M.K. qızı zərərçəkmiş qismində tanınıb. V. Mövsümov həmin məhkəməyə də əlləri qandallı gətirilib.

Xatırladaq ki, Vasif Mövsümov barəsində Bakının bir neçə rayon məhkəməsində məhkəmə prosesi gedir. Belə ki, Nəsimi Rayon Məhkəməsində də analoji cinayət faktı ilə bağlı məhkəmə prosesi olub və cərimə cəzasına məhkum edilib.

Qeyd edək ki, Mövsümov Vasif Seyidəli oğlu 2010-cu ildə Salyan seçki dairəsindən bitərəf kimi deputatlığa namizəd olub. Korrupsiyaya qarşı Mübarizə Fondu 1 fevral 2004-cü ildə təsis edilib və Vasif Mövsümov bu fondun icraçı direktoru olub. 2015-ci ildən isə Fondun təsisçisidir.

Şərhlər

XƏBƏR LENTİ