Bir neçə gün əvvəl belə bir informasiya yayıldı ki, Azərbaycan Beynəlxalq Bankının keçmiş sədri Cahangir Hacıyev əfv olunması üçün ərizə yazıb. Bu haqda daxil olan məlumatda bildirilirdi ki, sabiq bankir səhhəti ilə əlaqədar əfv edilməsini istəyir.
Bu xəbərin ardından Cahangir Hacıyevin əfv olunub-olunmamasının hüquqa uyğunluğu müzakirə predmetinə çevrildi. Amma bu məsələ ilə əlaqədar danışan vəkili heç bir problemin olmadığını iddia etdi.
Bu arada daxil olan məlumatlardan aydın olur ki, Əfv Komissiyasının baxdığı müraciətlər arasında Cahangir Hacıyevin də ərizəsi olub.
Mənbənin söylədikləri: "Müraciətinə baxılıb. Təbii ki, son qərar prezidentindir. Amma hər şey ola bilər".
DİA,AZ
